"தண்ணித் தொட்டிக்குள்" உக்காந்து பேசியதெல்லாம் வெளியாகியிருமோ.. பீதியில் கேட், வில்லியம்
லண்டன்: காதலர்களாக இருந்தபோது, இங்கிலாந்து ராஜ குடும்பத்தினர் குறித்து தனது கணவர் வில்லியமுடன் பகிர்ந்து கொண்டவை ஒட்டுக் கேட்கப்பட்டதாக வெளியாகியுள்ள தகவலால் ராஜ குடும்பத்து மருமகளான கேட் மிடில்டனுக்கும், அவரது கணவர் இளவசர் வில்லியமுக்கும் பெரும் கவலையை ஏற்படுத்தியுள்ளதாம்
வெளியில்தான் புன்னகை முகமாக இருவரும் வலம் வருகின்றனராம். ஆனால் உள்ளுக்குள் கவலையுடன்தான் இருக்கின்றரனராம். சமீபத்தில் நடந்த மகன் ஞானஸ்னான நிகழ்ச்சியின்போது கூட கேட் மிடில்டன் சுரத்தே இல்லாமல்தான் இருந்ததாக பலரும் கூறுகின்றனர்.
கேட்டின் இந்தக் கவலைக்குக் காரணம் உள்ளது. கேட் மிடில்டனுக்கும், இளவரசர் வில்லியமுக்கும் இடையே நடந்த பல தொலைபேசிப் பேச்சுக்கள் ஒட்டுக் கேட்கப்பட்டுள்ளதாக செய்திகள் கூறுகின்றன. இதுதான் கேட்டின் கவலைக்கு முக்கியக் காரணமாகும். அவர்களது பேச்சின்போது பல ராஜ ரகசியங்கள் குறித்தும் கேட்டிடம் வி்ல்லியம் கூறியதாக கூறப்படுகிறது.
ஹேக் செய்த நியூஸ் ஆப் வேர்ல்ட்
நியூஸ் ஆப் வேர்ல்ட் என்ற பத்திரிகைதான் ஒட்டு கேட்பு வேலையைச் செய்தது. இப்போது அந்தப் பத்திரிகை வருவதில்லை என்றாலும் கூட விதமான பயம் கேட் மனதை அப்பியுள்ளதாம்.
காதலர்களாக இருந்தபோது
செயிண்ட் ஆண்ட்ரூஸ் பல்கலைக்கழகத்தில் அப்போது படித்துக் கொண்டிருந்தனர் கேட்டும், வி்ல்லியமும். அவர்களது பேச்சின் மொத்தம் 697 உரையாடல்கள் ஒட்டுக் கேட்கப்பட்டுள்ளதாம்.
பயங்கர ரகளை வரும்
வில்லியமும், கேட்டும் பேசிக் கொண்டவை வெளியானால் மிகப் பெரிய பிரளயம் அரச குடும்பத்தில் ஏற்படும் என்கிறார்கள் விவரம் அறிந்தவர்கள்.
மாமியார் பத்தி கிசுகிசு
இந்தப் பேச்சின்போது ராணி எலிசபெத் குறித்தும், ராஜ குடும்பத்துக் கடமைகள் குறித்தும் நிறையப் பேசியுள்ளாராம் கேட். எலிசபெத் குறித்து தனது மனதில் தோன்றியதை அப்படியே கூறியுள்ளாராம் கேட். எனவே கேட் பேசியது எலிசபெத்துக்குத் தெரிய வந்தால் அவர் அதிர்ச்சி அடைவார் என்கிறார்கள்.
கொழுந்தனார் குறித்தும் வம்புப் பேச்சு
அதேபோல வில்லியமின் தம்பி ஹாரி குறித்தும் நிறையப் பேசியுள்ளாராம். அதுவும் இப்போது கேட்டுக்குப் பெரும் தர்மசங்கடமாக உள்ளதாம்.
நம்ம அஜீத் திரிஷா மாதிரியே
ஒரு படத்தில் அஜீத்தும், திரிஷாவும் மொட்டை மாடியில், தண்ணீர் தொட்டிக்குள் உட்கார்ந்து குடும்ப உறுப்பினர்களைக் கலாய்த்துப் பேசியிருப்பார்களே அதே போலத்தான் என்கிறார்கள் வில்லியம், கேட் பேச்சு குறித்தும்.
அப்ப கண்டிப்பா சிக்கல் வரும்மா கேட்.. நோ டவுட்!