லாஸ் ஏஞ்சல்ஸில் மிதமான நிலநடுக்கம்- ரிக்டரில் 3.4 அலகுகளாக பதிவு

லாஸ் ஏஞ்சல்ஸ்: அமெரிக்காவின் லாஸ் ஏஞ்சல்ஸ் அருகே கார்சன் பகுதியில் இன்று மிதமான நிலநடுக்கம் உணரப்பட்டது. இது ரிக்டரில் 3.4 அலகுகளாக பதிவாகி இருந்தது.

நேபாள நிலநடுக்கத்தின் எதிரொலியாக இந்தியா, திபெத், பாகிஸ்தான் ஆகிய அண்டை நாடுகளில் அடுத்தடுத்து நில அதிர்வுகள் உணரப்பட்டன. இந்த நிலையில் அமெரிக்காவின் லாஸ் ஏஞ்சல்ஸ் அருகே கார்சன் பகுதியில் அந்த நாட்டு நேரப்படி காலை 7 மணியளவில் நிலநடுக்கம் உணரப்பட்டது.

இந்த நிலநடுக்கத்தை பெரும்பாலானோர் உணர்ந்திருந்தனர். கட்டிடங்கள் லேசாக குலுங்கியதாகவும் கூறப்படுகிறது.

முதலில் இது ரிக்டர் அளவுகோலில் 3.6 அலகுகளாக பதிவானதாக தெரிவிக்கப்பட்டது. அதன் பின்னர் 3.4 என அதிகாரப்பூர்வமாக அறிவிக்கப்பட்டது. இந்த நிலநடுக்கத்தால் ஏற்பட்ட பாதிப்புகள் உடனடியாக தெரியவில்லை.

English summary

An earthquake with a magnitude of 3.4 hit near Carson Thursday morning, according to the U.S. Geological Survey.