வாயில் நறநற: மெக்டொனால்ட்ஸ் பர்கரில் கரப்பான்பூச்சியை பார்த்து அதிர்ந்த பெண்
வெல்லிங்டன்: நியூசிலாந்தில் பெண் ஒருவர் மெக்டொனால்ட்ஸ் உணவகத்தில் வாங்கிய பர்கரில் கரப்பான்பூச்சி இருந்ததை பார்த்து அதிர்ச்சி அடைந்தார்.
நியூசிலாந்தைச் சேர்ந்தவர் ஆன்னா சோபியா ஸ்டீவன்சன்(26). மேக்கப் கலைஞர். அவர் கடந்த சனிக்கிழமை இரவு மெக்டொனால்ட்ஸ் உணவகத்தில் பிக் மெக் மீல் என்ற உணவை வாங்கியுள்ளார்.
உணவை வாங்கிக் கொண்டு வீட்டுக்கு சென்று சாப்பிட்ட அவருக்கு அதிர்ச்சி காத்திருந்தது. இது குறித்து சோபியா கூறுகையில்,
நான் மெக்டொனால்ட்ஸ் பர்கரை வாங்கிக் கொண்டு வீட்டுக்கு வந்தேன். பர்கரை சாப்பிடுகையில் ஏதோ வித்தியாசமான ஒன்று வாயில் பட்டது. நான் மாமிசம் என்று நினைத்து மென்றேன். அதன் பிறகு பார்த்தபோது தான் அது கரப்பான்பூச்சி என தெரிய வந்தது என்றார்.
இது குறித்து அவர் யாரிடமும் புகார் தெரிவிக்கவில்லை மாறாக புகைப்படம் எடுத்து அதை ஃபேஸ்புக்கில் போட்டுவிட்டார். ஃபேஸ்புக்கில் சோபியா கூறியிருப்பதாவது,
கரப்பான்பூச்சி பர்கருக்காக நன்றி மெக்டொனால்ட்ஸ். பர்கரில் பாதி கரப்பானை பார்த்தேன். மீதியை நான் சாப்பிட்டுவிட்டேனோ? மெல்லும்போது தான் அதை வாயில் இருந்து எடுத்தேன். அருவெறுப்பாக உள்ளது என்று தெரிவித்துள்ளார்.