60 வயது பார்வையற்ற தாத்தாவை காதல் திருமணம் செய்த 100 வயது பாட்டி

லண்டன்: லண்டனில் உள்ள காப்பகத்தில் வசித்து வரும் 100 வயது பாட்டி அதே இல்லத்தில் உள்ள 60 வயது தாத்தாவை திருமணம் செய்து கொண்டார்.

இங்கிலாந்து தலைநகர் லண்டனில் உள்ள காப்பகத்தில் வசித்து வருபவர் 100 வயதான மர்ஃபா பிளாட்னிகோவா. கணவரும், 2 குழந்தைகளும் இறந்த பிறகு மர்ஃபா லண்டன் காப்பகத்திற்கு வந்துள்ளார். வயதாகிவிட்டதால் நடக்க முடியாமல் உள்ள அவர் சக்கர நாற்காலியில் தான் வலம் வருகிறார். இந்நிலையில் அவருக்கும் அதே காப்பகத்தில் உள்ள 60 வயதாகும் அபனாசி ஹரின் என்பவருக்கும் இடையே காதல் ஏற்பட்டது.

அவர்கள் அந்த இல்லத்தில் 11 ஆண்டுகளாக இருந்து வருகிறார்கள். ஹரினுக்கு கண் பார்வை இல்லை. இந்நிலையில் ஹரினும், மர்ஃபாவும் காப்பகத்திலேயே திருமணம் செய்து கொண்டனர்.

இது குறித்து காப்பகத்தில் பணிபுரியும் நர்ஸ் ஒருவர் கூறுகையில்,

ஹரின் அனைவரையும் சிரிக்க வைப்பார். மர்ஃபா அவரின் ஜோக்குகளை கேட்டு விழுந்து விழுந்து சிரிப்பார். அவர்கள் தினமும் சேர்ந்து வாக்கிங் செல்வார்கள். அவர்களின் நட்பு காலப்போக்கில் காதலாக மாறியது என்றார்.

English summary

A 100-year old lady has married a 60-year old visually challenged man in a care home in London.