• search
For Quick Alerts
ALLOW NOTIFICATIONS  
For Daily Alerts

சிங்கப்பூரில் இஃப்தார் நிகழ்ச்சியில் மாணவர்களுக்கு எழுது பொருட்கள் நன்கொடை

By Siva
|

சிங்கப்பூர்: திருச்சி ஜமால் முஹம்மது கல்லூரி முன்னாள் மாணவர்கள் சங்கம் (சிங்கப்பூர் கிளை), ஞாயிற்றுக்கிழமை 26-05-2019 அன்று, நோன்பு திறப்பு மற்றும் இன நல்லிணக்க நிகழ்ச்சியை சிங்கப்பூர் பென்கூலன் பள்ளிவாசலின் பன்னோக்கு மண்டபத்தில் மிகச் சிறப்பாக நடத்தியது.

சிங்கப்பூர் அரசின் வர்த்தக தொழில் அமைச்சர், திரு சான் சுன் சிங் அவர்கள் சிறப்பு விருந்தினராகக் கலந்து கொண்டார். அவரது சிறப்புரையில், "சிங்கப்பூரில் சமய இன நல்லிணக்கம் தொடர்ந்து மேம்படுவதும், நமது முன்னோர்கள் நமக்கு விட்டுச்சென்ற நன்னெறிகளை நாம் தொடர்ந்து பின்பற்றி நடப்பதும் மிகவும் அவசியம்" என்றும் குறிப்பிட்டார்.

Minister attends Iftar party conducted by Jamal Mohamed College Alumni Association

கல்வி சார்ந்த சமூக நலப்பணிகளை கடந்த 9 ஆண்டுகளாக சிங்கப்பூரில் ஆற்றி வரும் இச்சங்கம், நாம் புரிந்துணர்வோடு ஒன்றுபட்ட சமூகமாக தொடர்ந்து திகழ வேண்டும் என்ற உயரிய நோக்கில் இதுபோன்ற நிகழ்ச்சிகளை நடத்தி வருவதாக சங்கத்தின் தலைவர், பட்டயக் கணக்காய்வாளர் முனைவர் மு. அ. காதர் அவரது வரவேற்புரையில் குறிப்பிட்டார்.

சிண்டா பரிந்துரை செய்த தொடக்க நிலை பயிலும் 10 மாணவர்களுக்கு, எழுது பொருட்களும், பற்றுச் சீட்டும் நன்கொடையாக இச்சங்கம் வழங்கியது. சிண்டாவின் தலைமை அதிகாரி திரு ரா. அன்பரசு, சிண்டாவும் இச்சங்கமும் இணைந்து ஆற்றி வரும் பணிகளைப் பற்றி எடுத்துரைத்தார்.

Minister attends Iftar party conducted by Jamal Mohamed College Alumni Association

ஜமால் முஹம்மது கல்லூரி முன்னாள் மாணவர்கள் சங்கம் (சிங்கப்பூர் கிளை) ஆற்றி வரும் சமூகப் பணிகளை, அமைச்சர் திரு சான் சுன் சிங் அவர்கள், தனது முகநூல் பக்கத்தில் பாராட்டியிருக்கிறார் என்பது குறிப்பிடத்தக்கது.

Minister attends Iftar party conducted by Jamal Mohamed College Alumni Association

பென்கூலன் பள்ளிவாசலின் உஸ்தாத் மௌலவி கலீல் அஹமது ஹசனி, நோன்பின் மாண்புகளைப் பற்றி தனது உரையில் எடுத்துரைத்தார். பல்வேறு அமைப்புகளின் சமூகத் தலைவர்களும், பல இன மக்களும், மாணவர்களும், சங்கத்தின் உறுப்பினர்களும் உட்பட சுமார் 250 பேர் இந்நிகழ்ச்சியில் கலந்துச் சிறப்பித்தனர். சங்கத்தின் செயற்குழு உறுப்பினர் திரு. ஹபீபுல்லாஹ் இந்நிகழ்ச்சியை தொகுத்து வழங்கினார்.

Minister attends Iftar party conducted by Jamal Mohamed College Alumni Association

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Jamal Mohamed College Alumni Association Singapore chapter has given writing materials to students in the Iftar party.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more