• search
For Quick Alerts
ALLOW NOTIFICATIONS  
For Daily Alerts

பெற்றோருக்காக சொந்த தம்பி, தங்கைக்கு தாயான பெண்...!

|

லண்டன்: லண்டனில் தன் சொந்தத் தாய்க்கே வாடகைத் தாயாக மாறி இரட்டையர்களைப் பெற்றுக் கொடுத்துள்ளார் மகள் ஒருவர்.

லண்டனைச் சேர்ந்தவர் எல்லென். தாயார் பெயர் ஜென்னி. எல்லெனின் வளர்ப்புத் தந்தையும், ஜென்னியின் இரண்டாம் கணவருமான டோனி, ஒரு தொழிலதிபர்.

திருமணமான எல்லெனுக்கு மேடி என்ற மகள் ஒருவர் உள்ளார். இந்த நிலையி், மீண்டும் கர்ப்பம் தரித்த எல்லெனுக்கு அலெக்ஸ் மற்றும் ரூத் என இரட்டைக் குழந்தைகள். இதுவரை எல்லாமே தெளிவாகப் புரியும். இனிமேல் படிக்கும்போதுதான் மிகக் கவனமாக படிக்க வேண்டும். காரணம், இங்குதான் டிவிஸ்ட் வருகிறது கதையில்!

இந்த இரட்டைக் குழந்தைகளை வயிற்றில் சுமந்து எல்லென் பெற்றெடுத்திருந்தாலும், அவை இரண்டும் உண்மையில், அவருக்கு தம்பி மற்றும் தங்கை உறவாகும். என்ன குழப்புகிறதா... இதோ மேற்கொண்டு படியுங்கள் புரியும்.

2வது திருமணம்...

கடந்த 1992ம் ஆண்டு 42 வயது டோனியை இரண்டாம் திருமணம் செய்து கொண்டார் 31 வயது ஜென்னி. ஆனால், அவருக்கு ஒரு வாரிசைப் பெற்றுக் கொடுக்க அவரது உடல்நிலை ஒத்துழைக்கவில்லை. காரணம் ஜென்னியை திருமணம் செய்து கொள்வதற்கு ஐந்து ஆண்டுகளுக்கு முன்னர் கருத்தடை ஆபரேஷன் செய்திருந்தார்.

வாரிசு ஆசை...

எனவே, எல்லெனையே தனது மகளாக ஏற்றுக் கொண்டு வாழ்ந்து வந்தார் டோனி. இந்நிலையில் கடந்த 2003ம் ஆண்டு ஜென்னி - டோனி தம்பதிக்கு மீண்டும் வாரிசு ஆசை வந்தது. பெற்றோர் படும் வேதனையைக் கண்டு கலங்கிய எல்லென் தனது தாய்க்கு தானே வாடகைத் தாயாக மாறுவது என முடிவெடுத்தார்.

செயற்கைக் கருத்தரிப்பு...

அதன்படி, எல்லெனின் கருமுட்டையோடு, டோனியின் விந்தணுக்களைச் சேர்த்து சோதனைக் கூடத்தில் செயற்கை முறையில் கருவாக்கினார்கள். பின்னர் அதனை எல்லெனின் கருப்பையில் செலுத்தினார்கள்.

தத்து...

கரு நன்றாக வளர்ந்ததும், இரட்டைக் குழந்தைகளை பெற்றெடுத்தார் எல்லென். இதனால் ஜென்னி குடும்பத்தினர் அளவற்ற மகிழ்ச்சியில் மூழ்கினர். குழந்தைகள் பிறந்த ஒருவாரத்தில் அவற்றை ஜென்னி, டோனி தம்பதி அதிகாரப்பூர்வமாக தத்தெடுத்துக் கொண்டனர். அக்குழந்தைகளுக்கு அலெக்ஸ் மற்றும் ரூத் எனப் பெயரிடப்பட்டது. தற்போது அக்குழந்தைகளுக்கு 12 வயதாகிறது.

தம்பி, தங்கை...

தான் கருவில் சுமந்து பெற்ற குழந்தைகளை தற்போது தங்கை, தம்பியாக பாவித்து வருகிறார் எல்லென். இதே போல், எல்லெனின் மூத்த மகளும் தனது தம்பி மற்றும் தங்கையை சித்தி மற்றும் மாமா என்றே அழைத்து வருகிறார்.

டம்மி மம்மி...

முறைப்படி எல்லெனின் குழந்தைகளுக்கு பாட்டி, தாத்தா முறையான ஜென்னியும், டோனியும், அலெக்ஸ் மற்றும் ரூத்தை தங்களது மகன் மற்றும் மகளாக வளர்த்து வருகின்றனர். ஜென்னியை மம்மி என அழைக்கும் அலெக்ஸ் மற்றும் ரூத், எல்லெனை டம்மி மம்மி (Tummy mummy ) என அழைக்கிறார்களாம்.

ஆனந்தம் விளையாடும் வீடு.. நான்கு அன்றில்கள் ஒன்றான கூடு.. இப்படித்தான் பாடத் தோன்றுகிறது இவர்களைப் பார்த்து!

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
In London, Ellen Bown has had three children, but only one is her 'official' daughter. She was a surrogate for her mother, Jenny, and stepfather, Tony. Twins Alex and Ruth are biologically her children and legally her siblings. Ellen's daughter Maddy is both half-sister and niece to the twins

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more