குத்துச் சண்டை ஜாம்பவான் முகம்மது அலி மருத்துவமனையில் அனுமதி - நிமோனியாவில் பாதிப்பு!
லூயிஸ்வில்லி, கென்டகி, அமெரிக்கா: பிரபல குத்துச் சண்டை ஜாம்பவான் முகம்மது அலி நிமோனியா பாதிப்பு காரணமாக மருத்துவமனையில் அனுமதிக்கப்பட்டுள்ளார். அவரது உடல் நலம் தேறி வருவதாக டாக்டர்கள் கூறியுள்ளனர். ஆனால் அலி எந்த மருத்துவமனையில்அனுமதிக்கப்ட்டுள்ளார் என்பது தெரிவிக்கப்படவில்லை. அது ரகசியமாக வைக்கப்பட்டுள்ளது.
அலி மருத்துவமனையில் சேர்க்கப்பட்டிருப்பதைக அவரது உதவியாளர் பாப் கன்னல் உறுதிப்படுத்தியுள்ளார்.
இதுகுரித்து கன்னல் விடுத்துள்ள அறிக்கையில், பர்க்கின்சன் நோயால் பாதிக்கப்பட்டு போராடி வருகிரார் அலி. அவருக்கு டாக்டர்கள் சிகிச்சை அளித்து வருகின்றனர். அவரது உடல் நலம் திருப்திகரமாக உள்ளது எனஅறு கூறியுள்ளார்.
72 வயதாகும் அலி, சீக்கிரமே வீடு திரும்புவார் என்று தகவல்கள் தெரிவிக்கின்றன.
கேஸியஸ் கிளே என்ற இயற் பெயர் கொண்ட அலி பின்னர் இஸ்லாமுக்கு மாறி முகம்மது அலி என்ற பெயருக்கு மாறினார். தனது 18வது வயதில் ஒலிம்பிக்கில், லைட் ஹெவிவெயிட் சாம்பியன் பட்டத்தை வென்றார். 1064ம் ஆண்டு அப்போதைய பிரபல சாம்பியன் சோனி லிஸ்டனை வீ்ழ்த்தி முதல் முறையாக உலக ஹெவிவெயிட் சாம்பியனாக பட்டம் வென்றார்.
வியட்நாம் மீது அமெரிக்கா போர் தொடுத்ததை பகிரங்கமாக கண்டித்தவர் அலி என்பது நினைவிருக்கலாம். மேலும் இவர் இஸ்லாமியராக மாறியதால் அமெரிக்க ராணுவத்தில் பணியாற்றவும் தடை விதிக்கப்பட்டார்.
3 முறை உலக சாம்பியன் பட்டம் வென்றவர் அலி. ஜெயித்துக் கொண்டே இருப்பேன் என்றும் முழக்கமிட்டவர். 1981ம் ஆண்டு குத்துச் சண்டை போட்டியிலிருந்து ஓய்வு பெற்றார் முகம்மது அலி. 1984ம் ஆண்டு அவருக்கு பர்க்கின்சன் நோய் தாக்கியிருப்பது கண்டறியப்பட்டது. அது முதல் அவர் போராடி வருகிறார்.