• search
For Quick Alerts
ALLOW NOTIFICATIONS  
For Daily Alerts

ராத்திரி நேரம்.. கும்மிருட்டு.. நைஸாக நடந்து வந்து.. வீடு வீடாக.. நடமாடும் மர்ம நபர்!

|

ஹென்ரிகா, விர்ஜீனியா: அமெரிக்காவில் ஒரு நூதன மனிதர் செய்த செயலால் அந்த நகரமே பரபரப்பாகியுள்ளது. அதாவது இவர் தலையில் டிவியை மாட்டிக் கொண்டு வீடு வீடாக போய் ராத்திரியில் பழைய டிவி பெட்டியை வைத்து விட்டு வருகிறார். ஏன் இப்படிச் செய்கிறார் என்று தெரியவில்லை.

அமெரிக்காவின் விர்ஜீனியா மாகாணத்தில் உள்ளது ஹென்ரிகா நகரம். இந்த நகருக்கு அருகே உள்ள ஹாம்ப்ஷயர் என்ற கிராமத்தில்தான் இந்தக் கூத்து. இங்குள்ள வீடுகளுக்கு இரவில் வந்த ஒரு மர்ம நபர் வீட்டு வாசலில் ஒரு டிவி பெட்டியை வைத்து விட்டுப் போயுள்ளார். அந்த நபரும் தனது முகத்தில் முகமூடி போல டிவி பெட்டியை மாட்டியுள்ளார்.

Mysterious man is leaving free old TVs at peoples doorsteps

கிட்டத்தட்ட 50 வீடுகளில் இது போல செய்துள்ளார் அந்த நபர். அடுத்த நாள் காலையில் வீடுகளை விட்டு வெளியே வந்தவர்கள் வீட்டு வாசலில் டிவி இருப்பதைப் பார்த்து அதிர்ந்து குழம்பிப் போனார்கள். யார் வைத்தது என்று தெரியாமல் விழித்துள்ளனர்.

தங்களது வீட்டில்தான் டிவி இருந்ததாக முதலில் நினைத்தவர்கள் அந்த பகுதி முழுவதுமே வீடுகளில் டிவி வைக்கப்பட்டதை அறிந்து அதிர்ச்சி அடைந்துள்ளனர். வழக்கமாக கிறிஸ்துமஸின்போது கிறிஸ்துமஸ் தாத்தா வேடம் போட்டு வருவோர் இது போல வீடுகளுக்கு வெளியே ஏதாவது கிப்ட் வைத்து விட்டுப் போவது வழக்கம். ஆனால் இப்படி டிவியை கொண்டு வைத்தவர் யார் என்பதுதான் குழப்பத்தை ஏற்படுத்தியுள்ளது.

இதுகுறித்து தற்போது போலீஸார் விசாரணையில் குதித்துள்ளனர். இது விளையாட்டுக்காக செய்யப்பட்டதா அல்லது சீரியஸாகவே யாரேனும் கொண்டு வந்து உபயோகப்படாத டிவிகளை போட்டு விட்டுச் சென்றுள்ளனரா என்பது குறித்து விசாரித்து வருகிறார்களாம்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

 
 
 
English summary
In Virginia Mysterious man masked with a tv set has been spotted leaving old model TVs at peoples doorsteps
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X