ப்ளூட்டோவின் "இதயத்தில்" இன்னொரு மலைத் தொடர்- கண்டுபிடித்தது நியூ ஹாரிஸான்ஸ்
வாஷிங்டன்: நாசாவின் நியூஹாரிஸான்ஸ் விண்கலம் அனுப்பியுள்ள ஒரு படத்தில் ப்ளூட்டோவின் இதயம் போன்ற பகுதியில் உள்ள இன்னொரு மலைத் தொடர் அடையாளம் காணப்பட்டுள்ளது. ஏற்கனவே ஒரு மலைத் தொடர் அடையாளம் காணப்பட்ட நிலையில் இது 2வது மலைத் தொடராகும்.
நன்கு பிரகாசமாக இந்த மலைத் தொடர் தெரிகிறது. ப்ளூட்டோவின் இடது புறம் கீழே இந்த மலைப்பகுதி உள்ளது.
அதிகம் உயரம் கொண்டதாக இந்த மலைத் தொடர் இல்லை. ப்ளூட்டோவின் தென் மேற்கில் உள்ள டோம்பாக் ரெஜியோ என்ற பகுதியில் இந்த மலைத் தொடர் காணப்பட்டுள்ளது.
பனி மலை தான்..
இதுவும் பனி மலைதான். இதன் உயரம் 1.5 கிலோமீட்டர் என்று தெரிய வந்துள்ளது. அமெரிக்காவில் உள்ள அப்பாலச்சியான் மலைத் தொடரின் அளவில் தான் இதுவும் இருக்கிறதாம்.
ஸ்புட்னிக் பிளானம்...
ப்ளூட்டோவல் உள்ள இதயம் போன்ற பகுதிக்கு ஸ்புட்னிக் பிளானம் என்று பெயரிட்டுள்ளனர். பிளானம் என்பது சமவெளியாகும். இங்குதான் இந்த மலைத் தொடர் உள்ளது.
வடமேற்கில்...
பனி சூழ்ந்த நார்கே மாண்டிஸ் என்ற மலைத் தொடருக்கு 110 கிலோமீட்டர் வட மேற்கில் இந்த புதிய மலைத் தொடர் உள்ளது. ஜூலை 15ம் தேதி இந்த மலை கண்டுபிடிக்கப்ட்டது.
இளமையான மலை...
மிகவும் அழகிய மலைத் தொடராக இது இருப்பதாக நாசா விஞ்ஞானிகள் கூறியுள்ளனர். இந்த மலையும் மற்றவை போலவே இளமையாக இருக்கிறது.
பனி படர்ந்து...
புதிதாக உருவானது போல பனி படர்ந்து காணப்படுகிறது. மிகவும் உருகிப் போன நிலையில் இங்கு பனிகள் உள்ளன.
ஆய்வுகள்...
இதயம் போன்ற ப்ளூட்டோவின் இந்தப் பகுதியில் தொடர்ந்து ஆய்வுகள் நடந்து வருகின்றன. அங்கு என்னவெல்லாம் உள்ளன என்பதை அறிய முயற்சிகள் நடந்து வருகின்றன.
100 மில்லியன் வருடங்கள்...
இந்தப் பகுதியானது கிட்டத்தட்ட 100 மில்லியன் வருடங்களுக்கு முன்பு உருவானதாக இருக்கலாம் என்று விஞ்ஞானிகள் கருதுகிறாரக்ள்.