முதன்முறையாக... நிலாவின் ‘முதுகை’ படமெடுத்தது நாசா!

வாஷிங்டன்: அமெரிக்க விண்வெளி ஆய்வு நிறுவனமான நாசா, முதன்முறையாக சந்திரனின் மறுபுறத்தைப் படமெடுத்துள்ளது.

சூரியக் குடும்பத்திலுள்ள பெரிய துணைக்கோள் சந்திரன். புவியின் ஈர்ப்பைக் காட்டிலும் சந்திரனின் ஈர்ப்பு ஆறுமடங்கு குறைவு. அதனால் தான், அதிலுள்ள பொருள்களின் விடுபடு வேகமும் குறைவு.

அதேபோல், நிலவின் பரப்பு வெப்பநிலை அதிகம் என்பதால், அங்குள்ள மூலக்கூறுகள் விடுபட்டுச் சென்று விடும். எனவே தான் சந்திரனில் காற்று இல்லை.

சந்திரனின் மறுபக்கம்...

பூமியை நோக்கி எப்போதும் தனது ஒரே முகத்தையே சந்திரன் காட்டி வருகிறது. எனவே, சந்திரனின் மறுபக்கம் குறித்த மர்மம் தொடர்ந்து நீடித்து வந்தது.

எரிமலை சமநிலங்கள்...

சந்திரனில் நமக்கு தெரியும் வெளிச்சமான பகுதியில் உயர்நிலங்களுக்கும், விண்கல் வீழ் பள்ளங்களுக்கும் இடையே பல எரிமலைசார் சமநிலங்கள் இருப்பதாக விஞ்ஞானிகள் கூறுகின்றனர்.

நிலவின் இருண்ட மறுபக்கம்...

இந்நிலையில், அமெரிக்காவின் விண்வெளி ஆய்வு மையமான நாசா, ‘நிலவின் இருண்ட மறுபக்கம்' குறித்த வீடியோ ஒன்றை வெளியிட்டுள்ளது. லூனார் ரெகனசன்ஸ் ஆர்பிட்டர் தகவலின் படி, நாசாவின் அறிவியல் காட்சிப்படுத்தல் ஸ்டூடியோ இதை தயாரித்து உள்ளது.

நூற்றுக்கணக்கான படங்கள்...

இந்த ஆர்பிட்டர், 2009 முதல் நிலவை படமெடுத்து வருகிறது. நூற்றுக்கணக்கான டெராபைட் படங்களை கோர்த்து, நாசா இந்த வீடியோவை உருவாக்கி உள்ளது.

மரியா...

இந்த வீடியோவில், பூமியில் மறைக்கப்பட்ட நிலாவின் மறுபக்கத்தில் மிகப்பெரிய குழிகளை காட்டுகிறது. அவை மரியா என்று அழைக்கப்படும் கரும் புள்ளிகளாகும்.

English summary

The US space agency has released a stunning video revealing the far side of the Moon that cannot be seen from the Earth. Using data from the Lunar Reconnaissance Orbiter (LRO), NASA's scientific visualisation studio produced a video of the far side that shows that there are many more and larger craters than on the side which faces the Earth.