ரெக்கை கட்டி பறக்குது பார் நரேந்திர மோடி சைக்கிள்!
பிரதமர் மோடி நெதர்லாந்து நாட்டுக்கு சுற்றுப்பயணம் மேற்கொண்ட போது அந்நாட்டு பிரதமர் மார்க் ரூட், மோடிக்கு சைக்கிள் ஒன்றை பரிசாக அளித்தார்.
ஆம்ஸ்டர்டாம்: பிரதமர் மோடி நெதர்லாந்து நாட்டுக்கு சுற்றுப்பயணம் மேற்கொண்ட போது அந்நாட்டு பிரதமர் மார்க் ரூட், மோடிக்கு சைக்கிள் பரிசளித்தார்.
பிரதமர் நரேந்திர மோடி அமெரிக்கா, போர்ச்சுகல் மற்றும் நெதர்லாந்து ஆகிய மூன்று நாடுகளுக்கு சுற்றுப்பயணம் மேற்கொண்டார். மோடியும் டிரம்பும் முதல் முறையாக சந்தித்துக்கொண்டனர். அதனால் இது அரசியல் முக்கியத்துவம் வாய்ந்த சந்திப்பாக கருதப்பட்டது.
Thank you @MinPres @markrutte for the bicycle. pic.twitter.com/tTVPfGNC9k
— Narendra Modi (@narendramodi) June 28, 2017
அமெரிக்க சுற்றுப்பயணத்தை முடித்துக்கொண்டு நெதர்லாந்துக்கு சென்றார் மோடி. அங்கு அவருக்கு உற்சாகமான வரவேற்பு அளிக்கப்பட்டது. நெதர்லாந்து நாட்டில் சைக்கிளில் ஊரைச் சுற்றிப் பார்ப்பது ஒரு பொழுதுபோக்கு அம்சம் கொண்ட பண்பாட்டு நிகழ்வாகவே கருதப்படுகிறது.
அந்தவகையில் நெதர்லாந்து பிரதமர் மார்க் ரூட், பிரதமர் மோடிக்கு சைக்கிள் ஒன்றை பரிசாக அளித்தார். அந்த சைக்கிளை மிகுந்த உற்சாகத்துடனும் சந்தோஷத்துடனும் மோடி பெற்றுக்கொண்டார். நெதர்லாந்துக்கும் இந்தியாவுக்கும் இடையே கடந்த 70 ஆண்டுகளாக நல்லுறவு உள்ளது குறிப்பிடத்தக்கது.