அடடா.. வெளியே வந்ததும் டாக்டர் டிரஸ்ஸை கெட்டியா பிடிச்சிருச்சே இந்த சுட்டி குட்டி பாப்பா!
மருத்துவரின் ஆடையை பற்றி இழுத்த பச்சிளம் குழந்தையின் படம் வைரலாகி வருகிறது.
ஹனோய்: அப்போதுதான் ஆபரேஷன் செய்து குழந்தை வெளியே எடுக்கப்பட்டது. அந்த நொடியே ஆபரேஷன் செய்த டாக்டரின் ஆடையை கெட்டியாக இறுக்கி பிடித்து கொண்டது அந்த பச்சிளம் குழந்தை!
வியட்நாமில் பிஹுஓங் சாவு இன்டர்நேஷனல் என்ற ஆஸ்பத்திரி உள்ளது. இங்கு பெண் ஒருவருக்கு அறுவை சிகிச்சை மூலம் குழந்தை பிறந்தது. ஆனால் பிறந்தவுடன் தன்னை பிரசவம் பார்த்த டாக்டரின் ஆடையை அந்த சிசு கெட்டியாக இறுக பிடித்துக்கொண்டது.
இதை பார்த்து அங்கிருந்த அனைவருமே ஷாக் ஆனதுடன் நெகிழ்ந்தும் போய்விட்டனர். குழந்தை நீண்ட நேரம் இப்படியே டாக்டர் டிரஸ்ஸை பிடித்து கொண்டிருப்பதை ஆஸ்பத்திரி நிர்வாகம் போட்டோ எடுத்து, அதை பதிவிட்டது. கொஞ்ச நேரத்திலேயே சுமார் 1000-க்கும் மேற்பட்டோர் இதனை லைக் செய்துள்ளனர்.
"நான் பிறந்தது இந்த டாக்டருக்கு பிடிக்கவில்லையா?" என்று அந்த குழந்தை நக்கலாக கேட்பதாக கமெண்ட்களை நெட்டிசன்கள் பதிவிட்டுள்ளனர். மேலும் சிலர், "டாக்டர் எனக்கு பசிக்குது, சாப்பாடு வேணும்" என்று குழந்தை கேட்கிறது போலும் என்றும் பதிவிட்டுள்ளனர்.
ஆனால் பிறந்தவுடன் தாயை தேடாமல், டாக்டரின் டிரஸ்ஸை கெட்டியாக பிடித்து கொண்டதால், 'பேபி ஸ்ட்ரோங் ', 'பாஸ் பேபி' என செல்லமான பெயர்களை வைத்து கூப்பிட ஆரம்பித்துள்ளனர்.