குழந்தைச்சாமிக்கு பிடித்த உணவு ‘பெருசு‘ தானாமே!
வடகொரிய அதிபர் கிம் ஜாங் உன்னுக்கு மாட்டுக்கறி என்றால் அதிக விருப்பம் என தெரிய வந்துள்ளது.
பியாங்ஜியாங்: வடகொரிய அதிபர் கிம் ஜாங் உன் மாட்டுக்கறியை விரும்பி உண்பார் என தெரிய வந்துள்ளது.
வடகொரிய அதிபர் கிம் ஜாங் உன் - அமெரிக்க அதிபர் டொனால்டு ட்ரம்ப் சந்திப்பு நேற்று சிங்கப்பூரில் நடைபெற்றது. உலக நாடுகள் உற்று நோக்கிய இந்த சந்திப்பு வெற்றிகரமாக நடந்து முடிந்தது.
இந்தச் சந்திப்புக்காக கிம் ஜான் உன் இரு நாள்களுக்கு முன்பே சிங்கப்பூர் வந்தார். அவருக்காக வட கொரியாவில் இருந்து தனி கழிவறையும் கொண்டு வந்தனர்.
பிரத்யேக சமையல்காரர்கள்
வடகொரியா அதிபர் கிம் தன்னுடைய நாட்டில் இருந்து புறப்பட்டதில் இருந்து பாதுகாப்பு விஷயத்தில் மிக கவனமாக இருந்தார். இரு டீகாய் விமானங்கள், தனிக் கப்பலில் கிம்முக்கு தேவையான உணவுகள், அவருக்கான பிரத்யேக சமையல்காரர்கள், கிம் பயன்படுத்தும் குண்டு துளைக்காத கார்கள், குடிநீர், உணவுப்பொருட்கள், உடைகள் உள்ளிட்டவை கொண்டு செல்லப்பட்டன.
ட்ரம்புடன் சாப்பிட ஒப்புதல்
செந்தோசா தீவில் உள்ள நட்சத்திர ஹோட்டலில் அதிபர் கிம் தங்கினாலும் கூட அங்கிருக்கும் உணவுகளைச் சாப்பிடாமல் தன்னுடைய சமையல்காரர்கள் சமைத்த உணவுகளையே அவர் சாப்பிட்டுள்ளார். அதிபர் டிரம்பின் சந்திப்புக்குப் பின் ஏற்பாடு செய்யப்பட்டுள்ள உணவுகளை மட்டுமே அதிபர் கிம் சாப்பிட ஒப்புக்கொண்டார்.
எதிரிகள் கைக்கு
மேலும், தனது உடலில் இருந்து வெளியேறும் கழிப்பொருட்கள் சிறுநீர், மலம் ஆகியவை கூட எதிரிகள் கைக்கு சென்றுவிடக்கூடாது என்பதற்காகவே அதிபர் கிம் சொந்தமாக டாய்லெட் கூட கொண்டு வந்தார்.
சாப்பிட பிடிக்குமாம்
இந்நிலையில் ட்ரம்பிற்கு பிடித்த உணவு மற்றும் அவரது பழக்க வழக்கம் குறித்த தகவல்கள் வெளியாகியுள்ளன. கிம்மிற்கு உணவு என்றால் அவ்வளவு பிடிக்குமாம்.
‘பெருசு‘ பிடிக்கும்
அதிலும் மாட்டு கறியின் மீது அதிக விருப்பம் கொண்ட கிம்முக்கு ஜப்பானில் இருந்து ஸ்பெஷலாக மாடுகள் இறக்கப்படுகிறதாம். பல சொகுசு வீடுகளை கொண்டுள்ள இவருக்கு வடகொரியாவின் பியோங்யங் பகுதியில் உள்ள சொகுசு வீடு என்றால் கொள்ளைபிரியமாம்.
கைக்கடிகாரங்கள்
அந்த வீட்டில் 1000 பேர் அமர்ந்து பார்க்கும் அளவிற்கு சினிமா தியேட்டர் உள்ளதாகவும், 7 மில்லியன் பவுண்ட் கொண்ட கைக்கடிகாரங்கள் அவரிடம் உள்ளது எனவும் தகவல்கள் தெரிவிக்கின்றன.