ஒபாமாவை பார்த்து ஹை ஃபை செய்த சிறுவன்: அடிச்சுக்கோ!
வாஷிங்டன்: அமெரிக்க அதிபர் பாரக் ஒபாமா குழந்தைகளுடன் இருக்கும் புகைப்படங்களை வெள்ளை மாளிகை தனது அதிகாரப்பூர்வ பிளிக்கர் கணக்கில் வெளியிட்டுள்ளது.
அமெரிக்க அதிபர் பாரக் ஒபாமாவுக்கு குழந்தைகள் என்றால் கொள்ளை பிரியம். ஒரு முறை வெள்ளை மாளிக்கைக்கு வந்த சிறுவன் உங்கள் தலை முடியை தொட்டுப் பார்க்க வேண்டும் என்று கூற அவர் உடனே தலையை குனிந்து சிறுவன் தனது முடியை தொட்டுப் பார்க்க அனுமதித்தார்.
இந்நிலையில் வெள்ளை மாளிகை தனது அதிகாரப்பூர்வ பிளிக்கர் கணக்கில் ஒபாமா குழந்தைகளுடன் இருக்கும் புகைப்படங்களை வெளியிட்டுள்ளது. அதில் சில உங்கள் பார்வைக்கு,
அடிச்சுக்கோ
வெள்ளை மாளிகைக்கு கடந்த ஜூன் மாதம் 23ம் தேதி வந்த சிறுவன் ஒபாமாவிடம் ஜாலியாக ஹை ஃபை அதாவது கையை தட்டி விளையாடினார்.
டை
ஜூன் மாதம் 12ம் தேதி தன்னை சந்திக்க வந்த கடற்படை அதிகாரி ஸ்காட்டின் மகனின் டையை ஒபாமா சரி செய்தார்.
ஆப்பிள்
அதிபர் ஒபாமா ஊழியர் நிக் ஸ்மித்திடம் பேசிக் கொண்டிருக்க அவரது மகன் டேபிள் மேல் இருந்த ஆப்பிளை எடுக்க முயன்றபோது எடுத்த படம்.
சோபாவில் குதி
அமெரிக்க உளவு துறை ஏஜெண்ட் மற்றும் அவரின் மனைவியோடு ஒபாமா பேச ஏஜெண்ட்டின் மகனுக்கு போர் அடித்ததால் சோபாவில் குப்புற குதித்து விளையாடினார்.
மூக்கு
ஒபாமாவை பார்த்து ஒரு ஆப்பிரிக்க அமெரிக்க சிறுவன் மூக்கை சுளிக்க பதிலுக்கு அவரும் அதே போன்று செய்தார்.
அழுகை
சிகாகோ விமான நிலையத்தில் ஒபாமாவை பார்த்த ஒரு குழந்தை அழுதபோது எடுத்த புகைப்படம்.