ரன்வேயில் ஓடும்போது விமானத்துக்கு திடீர் பிரேக் போட்டால் இப்படித்தான் நடக்கும்.. வைரலாகும் வீடியோ
வாஷிங்டன்: விமான சாகச நிகழ்ச்சியின்போது, ரன்வேயில் திடீரென பிரேக்கை போட்டு பிளேனை நிறுத்த முயன்ற ஒரு பைலட்டால் பெரும் அசம்பாவிதம் நடந்துள்ளது அமெரிக்காவில்.
நெவடா பகுதியில் ரெனோ சாம்பியன்ஷிப் என்ற பெயரில் நடைபெற்ர விமான பந்தையத்தில் இந்த விபத்து ஏற்பட்டுள்ளது. சாகச பைலட்டான ரிச்சர்ட் ரன்வேயில் வேகமாக விமானத்தை ஓட்டிச்சென்றபோது திடீரென பிரேக் போட்டதால் பின்னால் வந்த மற்றொரு விமானம், ரிச்சர்ட்டின் விமானத்தின் பின்பகுதியில் பயங்கரமாக மோதியுள்ளது. தலைக்கு மேலே அந்த விமானம் கடந்து சென்றது.
இன்ஜின் கோளாறு காரணமாக, ரிச்சர்ட் அந்த விமானத்தை திடீரென நிறுத்தும் சூழ்நிலைக்கு தள்ளப்பட்டாராம். இந்த விபத்தில் ரிச்சர்ட் கைக்கு காயம் ஏற்பட்டுள்ளது. அதிருஷ்வசமாக உயிர் தப்பினார். இன்னும் 4 அடி தூரம், இடப்பக்கம் சென்றிருந்தால், பழச்சாறு போல மாறியிருப்பேன் என்று பேஸ்புக்கில் ரிச்சர்ட் தெரிவித்துள்ளார். விமானத்தின் பின்பகுதியிலிருந்த காமிராவில் பதிவான காட்சிகளை யூடியூப்பிலும் வெளியிட்டுள்ளார் ரிச்சர்ட்.