• search
For Quick Alerts
ALLOW NOTIFICATIONS  
For Daily Alerts

ஜப்பான் பிரதமருடன் மோடி சந்திப்பு.. நாளைய முத்தரப்பு மீட்டிங்கில் ட்ரம்பும் சேர்ந்துகொள்வார்!

|

டோக்கியோ: ஜப்பானின் ஒசாகாவில் நடைபெறும், ஜி 20 உச்சிமாநாட்டிற்கு, முன்னதாக பிரதமர் மோடி, ஜப்பான் பிரதமர் ஷின்சோ அபேவை சந்தித்து பேசினார். அப்போது மும்பை-அகமதாபாத் நடுவேயான புல்லட் ரயில் திட்டம் பற்றியும் ஆலோசிக்கப்பட்டது.

இந்த சந்திப்பின்போது, பொதுத் தேர்தலில் வென்று மீண்டும் பிரதமராக பதவியேற்றதற்காக, மோடியை, அபே வாழ்த்தினார். விரைவில் இந்தியாவுக்கு வருவதாகவும், உறுதியளித்தார்.

PM Modi meets Japan PM Shinzo Abe

ஜி 20 உச்சிமாநாட்டிற்கு முன்னதாக நடந்த, இந்தியா-ஜப்பான் சந்திப்பு பலனளிப்பதாக இருந்ததாகவும், இரு நாட்டு பிரதமர்களும் இருதரப்பு உறவுகள் குறித்து விரிவான கலந்துரையாடல்களை மேற்கொண்டதாகவும் வெளியுறவு செயலாளர் விஜய் கோகலே தெரிவித்தார்.

அவர் மேலும் கூறியதாவது: தப்பியோடிய பொருளாதார குற்றவாளிகள் பிரச்சினையில் முந்தைய ஜி 20 கூட்டங்களில் பிரதமர் மோடியின் முன்முயற்சியை பிரதமர் அபே குறிப்பிட்டு பாராட்டினார். மேலும் ஜி 20 நாடுகள், அதன் ஊழல் எதிர்ப்பு நடவடிக்கைகளின் ஒரு பகுதியாக இந்த பிரச்சினையை சமாளிக்க வேண்டும் என்றும் அவர் கூறினார்.

மும்பை-அகமதாபாத் அதிவேக புல்லட் ரயில் மற்றும் வாரணாசியில் உள்ள மாநாட்டு மையம் குறித்தும் ஆலோசனை நடைபெற்றது. இது தொடர்பாக இரு தலைவர்களும் இந்த திட்டங்களில் நடைபெற்றுள்ள முன்னேற்றம் குறித்து அப்போது சுறுக்கமாக ஆய்வு செய்தனர்.

ஜப்பான், இந்தியா மற்றும் அமெரிக்கா இடையேயான நாளைய முத்தரப்பு சந்திப்பின்போது, இவ்விரு பிரதமர்களும் மீண்டும் சந்திப்பார்கள். இவ்வாறு அவர் தெரிவித்தார்.

 
 
 
English summary
PM Modi met Japan Prime Minister Shinzo Abe on the sidelines of the G20 Summit in Osaka, Japan.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X