Click it and Unblock the Notifications
Don't Miss
-
200 கோடி சொத்துக்களை தானம் கொடுத்துவிட்டு சமண துறவியாகப் போகும் குஜராத் தம்பதி... காரணம் என்ன தெரியுமா? -
ரூ.2 லட்சம் முதலீடு செய்தால் போதும்.. பல மடங்கு ரிட்டர்ன்.. பெண்கள் நோட் பண்ணுங்க.. அசத்தல் திட்டம் -
அடிச்சு புடிச்சு ஆர்டர்.. ரூ.13,499 பட்ஜெட்ல 108MP கேமரா.. BYBASS சார்ஜிங்.. 2TB மெமரி.. எந்த மாடல்? -
தோனி எடுத்த மிகப் பெரிய முடிவு! சிஎஸ்கே ரசிகர்களின் வேண்டுதல் நிறைவேற போகுது?LSGபோட்டியில் சர்ப்ரைஸ் -
திருப்பதி பெருமாளை தரிசிக்க வேண்டுமா – ஏப்ரல் 24 ஆம் தேதி டிக்கெட் புக் பண்ண மறந்துடாதீங்க! -
Actor Dhanush: தனுஷுடன் இணையும் பியார் பிரேமா காதல் பட இயக்குநர்.. உறுதியான கூட்டணி! -
பெட்டிகடை வச்சிருக்கிறவன் கூட கணக்கு வச்சிருப்பான்! ஆனா இந்திய ரயில்வே நிர்வாகத்திடம் இந்த கணக்கு இல்லையாம்! -
பிளஸ்-2 படித்திருந்தால் போதும்...மத்தியஅரசு வேலை தயார்..!!
ஷாங்காய் ஒத்துழைப்பு மாநாட்டில் பாக். பிரதமர் இம்ரான்கானிடம் பிரதமர் மோடி பேச வாய்ப்பில்லை!
பிஷ்கேக்: கிர்கிஸ்தானில் நடைபெறும் ஷாங்காய் ஒத்துழைப்பு மாநாட்டில் பங்கேற்கும் பிரதமர் மோடி பாகிஸ்தான் பிரதமர் இம்ரான் கானுடன் பேச்சுவார்த்தை நடத்த வாய்ப்பில்லை என கூறப்படுகிறது.
கிர்கிஸ்தான் நாட்டின் தலைநகரான பிஷ்கேக் நகரில் ஷாங்காய் ஒத்துழைப்பு அமைப்பின் மாநாடு, வரும் 13-ந் தேதி தொடங்குகிறது.
இந்த மாநாட்டின்போது சீன அதிபர் ஜின்பிங் மற்றும் ரஷ்ய அதிபர் விளாடிமிர் புடினை பிரதமர் நரேந்திர மோடி சந்தித்து பேச உள்ளார்.
சீனாவுக்கான இந்திய தூதர் விக்ரம் மிஸ்ரி, பிரதமர் மோடி, சீன அதிபர் ஜின்பிங் சந்திப்பை உறுதி செய்துள்ளார். இதேபோல் ரஷ்ய அதிபர் விளாடிமிர் புடினையும் பிரதமர் மோடி மாநாட்டின் போது சந்தித்து பேசவுள்ளார்.
இதனை வெளியுறவுத்துறை செய்தி தொடர்பாளரான ரவீஷ்குமாரும் உறுதி செய்துள்ளார். ஆனால் பாகிஸ்தான் பிரதமர் இம்ரான் கானுடன் இந்திய பிரதமர் மோடி பேச்சுவார்த்தை நடத்துவது குறித்து எந்த திட்டமும் இதுவரை வகுக்கப்படவில்லை என்றும் வெளியுறவுத்துறை செய்தி தொடர்பாளர் ரவீஷ்குமார் கூறியுள்ளார்.
இந்தியாவும் பாகிஸ்தானும் ஷாங்காய் ஒத்துழைப்பு மாநாட்டில் கடந்த 2017ஆம் ஆண்டுதான் இணைக்கப்பட்டன. இந்தியா - பாகிஸ்தான் ஆகிய இரு நாடுகளும் தங்களின் பிரச்சனைகள் இந்த அமைப்பின் பன்முகத் தன்மைக்கு எந்த பாதிப்பையும் ஏற்படுத்தாது என உறுதியளித்தப்பின்னரே இணைக்கப்பட்டன.
இந்நிலையில் பிஷ்கேக்கில் நடைபெற்ற வெளியுறவுத்துறை அமைச்சர்கள் மட்டத்திலான பேச்சுவார்த்தைக்காக அப்போதைய வெளியுறவு அமைச்சர் சுஷ்மா சுவராஜ் சென்றபோது திறந்துவிடப்பட்டது. பாலகோட் தாக்குதலுக்கு பிறகு இந்தியாவுக்கான வான் வழிப்பாதையை மூடியது பாகிஸ்தான்.
தற்போது பிரதமர் மோடியின் விமானம் ஜூன் 13ஆம் தேதி இஸ்லாமாபாத் வழியாக செல்ல அனுமதி கேட்டதாக கூறப்படுகிறது. இதைத்தொடர்ந்து பிரதமர் மோடியின் விமானம் செல்ல பாகிஸ்தான் அனுமதி வழங்கியுள்ளது.
இந்நிலையில் இந்தியாவுக்கான வான்வழிப்பாதையை பாகிஸ்தான் மூடியுள்ளதால் இந்தியர்கள் பலரும் பெரும் பாதிப்புக்கு ஆளாகியுள்ளனர். இதுகுறித்து ஷாங்காய் ஒத்துழைப்பு மாநாட்டில் பிரதமர் மோடி பேசுவார் என கூறப்படுகிறது. ஆனால் வெளியுறவுத்துறை செய்தி தொடர்பாளர் இதனை உறுதிபடுத்தவில்லை.
