அரிதிலும் அரிதாக உடலுக்கு வெளியே அமைந்த இதயம்.. 8 வயது சிறுமிக்கு நேர்ந்த சோகம்
ரஷ்யாவில் உள்ள ஒரு சிறுமிக்கு அரிதிலும் அரிதாக வெளியே அமைந்துள்ளது சோகத்தை ஏற்படுத்தியுள்ளது.
Recommended Video
ப்ளோரிடா: அமெரிக்காவில் வசிக்கும் ரஷ்ய சிறுமிக்கு பிறந்ததிலிருந்து இதயம் வெளியே துடித்து வருகிறது. இது தொடர்பான வீடியோ சமூக வலைதளங்களில் வெளியாகியுள்ளது.
ரஷ்யாவை சேர்ந்தவர் விர்சாவியா போரன். 8 வயது சிறுமியான இவர் அரிய வகை பிறவி நோயான பென்டாலஜி ஆப் கான்ட்ரல் என்ற நோயால் பாதிக்கப்பட்டுள்ளார்.
அதாவது இவருக்கு இதயம் உடலுக்கு வெளியே வளர்ந்து துடித்துக் கொண்டிருக்கிறது. இது போன்ற அரிய வகை நோயால் 5.5 கோடி பேரில் 10 லட்சம் பேருக்கு ஏற்படும்.
2015-இல் தெரியப்படுத்தினார்
நெஞ்சை உருகும் கதையுடன் இந்த சிறுமியின் இதயம் குறித்த வீடியோ கடந்த 2015-இல் வைரலாக பரவியது. சுமார் 43 வினாடிகள் கொண்ட அந்த வீடியோவில் விர்சாவியாவின் இதயம் உள்ளேயும், வெளியேயும் துடிப்பது போன்று உள்ளது.
அறுவை சிகிச்சைக்காக அமெரிக்கா பயணம்
உயிருக்கு ஆபத்தை ஏற்படுத்தும் இந்த அரிய வகை குறைபாட்டை அறுவை சிகிச்சை செய்ய ரஷ்ய மருத்துவமனைகள் மறுப்பு தெரிவித்துவிட்டன. இதனால் தன் தாயுடன் அமெரிக்காவின் ப்ளோரிடாவுக்கு அந்த சிறுமி குடிபெயர்ந்துள்ளார்.
உயர் ரத்த அழுத்தம்
பாஸ்டனில் உள்ள மருத்துவர்களிடம் சென்று சிறுமியை காட்டியபோது சிறுமியின் நுரையீரல் தமனியில் உயர் ரத்த அழுத்தம் உள்ளதால் அவருக்கு அறுவை சிகிச்சை செய்ய இயலாது என்று கைவிரித்து விட்டனர்.
தாயின் நம்பிக்கை
மருத்துவர்கள் கைவிட்டாலும் விர்சாவியாவின் தாய் தனது மகளுக்கு உரிய சிகிச்சை கிடைக்கும் என்ற நம்பிக்கையுடன் உள்ளார். இவர் பிறந்தவுடன் சிறிது காலத்தில் இறந்து விடுவார் என்று மருத்துவர்கள் கூறிய நிலையில் சிறுமிக்கு தற்போது 8 வயதாகிறது என்று அவரது தாய் தெரிவித்தார். சிறுமி நன்றாக பாடவும், களிமண் கொண்டு செய்யும் கலையை நன்கு செய்கிறார். இத்துடன் ஓவியமும் நன்றாக வரைகிறார்.