டிஸ்னிலேண்டில் ஜாலியாக ஓடியாடி விளையாடும் பேய்: தீயா பரவும் வீடியோ
கலிபோர்னியா: அமெரிக்காவில் உள்ள டிஸ்னிலேண்டில் இரவு நேரத்தில் பேய் ஒன்று ஓடியாடி விளையாடிய வீடியோ இணையதளத்தில் தீயாக பரவி வருகிறது.
அமெரிக்காவில் டிஸ்னிலேண்ட் பொழுதுபோக்கு பூங்கா அமைந்துள்ளது. அந்த பூங்காவில் இரவு நேரத்தில் பேய் ஒன்று சிரித்தபடி ஜாலியாக ஓடியாடி விளையாடியது கண்காணிப்பு கேமராவில் பதிவானது. அந்த வீடியோ கடந்த 2009ம் ஆண்டு யூடியூப்பில் வெளியிடப்பட்டது. ஆனால் அந்த வீடியோவை ஒருவர் தற்போது தேடிக் கண்டுபிடித்து எடுத்து இணையதளத்தில் உலவ விட்டுள்ளார்.
தற்போது அடிக்கடி பேய் வீடியோக்கள் குறித்த செய்திகள் வெளிவரும் நிலையில் டிஸ்னிலேண்ட் பேய் வீடியோ இணையதளத்தில் தீயாக பரவி வருகிறது.
கடந்த வெள்ளிக்கிழமையில் இருந்து அந்த வீடியோவை பலர் பார்த்து வருகின்றனர். வீடியோவில் இருப்பது டிஸ்னிலேண்டை துவங்கிய வால்ட் டிஸ்னியின் பேய் என்று சிலர் கூறி வருகிறார்கள்.
சிலரோ டிஸ்னிலேண்டில் என்ன தான் நடக்கிறது என்றே தெரியவில்லை என தெரிவித்துள்ளனர்.