Video: நாள் முழுக்க ஜாலி கொண்டாட்டம்.. கூடவே மியூசிக்.. அமெரிக்காவில் கோடைத் திருவிழா!

Updated: Tuesday, June 25, 2019, 7:58 [IST]

சார்லட்:: நம்ம ஊரில் எப்படியோ.. ஆனால் அமெரிக்காவில் கோடை திருவிழா இப்படித்தான். வாங்க என்னன்னு பார்க்கலாம்.

நம்ம ஊரில் கோடை விடுமுறையில் ஒரு பொருட்காட்சி வைத்தால் அங்கு என்ன எல்லாம் வைத்திருப்பார்கள் என்று நமக்கு தெரியும். வரிசையாய் கடைகள் அதுவும் பத்து ரூபாய் என்று சொல்லியே பல பொருட்கள் எடுத்து நம்ம பர்ஸு காலி ஆகிடும். அப்புறம் வகை வகையாக ராட்டினங்கள் அப்புறம் வயிறு முட்ட சாப்பாடு என்று வெளியே வருவோம்.

வெயிலுக்கு இதமாய் ஐஸ்கிரீம்:

இதே அமெரிக்காவில் கோடை திருவிழாவில் ஒரு பொருட்காட்சி ஏற்பாடு பண்ணிருந்தா எப்படி இருக்கும் என்று நினைக்கிறீர்கள். இங்கும் வண்ணம் வண்ணமாக ராட்டினங்கள் இருக்கு. குச் குச் ரயில் வண்டியில் காட்டு பயணம் உண்டு. இன்னும் கொஞ்சம் சுவாரஸ்யம் கூடுவதற்கு சின்னதாய் மலை ஏற்றம் இருக்கிறது. அப்புறம் சாப்பாடு வெயிலுக்கு இதமான ஜில் ஐஸ் கிரீம் ஜூஸ் என்று சாப்பிட்டுக்கொண்டே வகை வகையாய் கடைகள் பார்க்கலாம்.

இசையோடு வாழ்வோம்:

கால் வலித்து அப்படியே அப்பாடா என்று கீழே உட்காரும்போது காதுக்கு இதமான இசை மழை ஆரம்பிக்கிறது. இசை நிகழ்ச்சி இல்லாத கொண்டாட்டங்கள் இங்கு இல்ல என்று சொல்லலாம்.

இரவு வான வேடிக்கையோடு :

காலை தொடங்கி மாலையோடு முடியாமல் இரவு வரை நீண்டு அதன் பின் பட்டாசு வேட்டியோடு சூப்பரா வான வேடிக்கையோடு முடிகிறது ஜோராய். நீங்களும் இந்த 3 நிமிட வீடியோவில் அமெரிக்காவின் கோடை திருவிழாவை ஜாலியாய் கண்டுகளிக்கலாம்.