குட்டி நாயா? நாய் குட்டியா? – படிச்சுப் பார்த்தா பாவம் நீங்களே குழம்பிப் போயிருவீங்க!

லண்டன்: இங்கிலாந்தில் வெறும் 11 சென்டி மீட்டர் உயரமே உள்ள நாய் ஒன்று உலகிலேயே மிகவும் குட்டியான நாய் என்ற பெருமையைப் பெற்றுள்ளது.

ஒரு ஐபோன் உயரமே உள்ள இந்த நாயின் தலை கோல்ப் பந்து சைசில் உள்ளது.

அழகான இந்த குட்டியூண்டு நாயை அனைவரும் ஆச்சரியத்துடன் பார்க்கின்றனர்.

ரோஸ் ஆன்ட்டி வீட்டு நாய்:

இங்கிலாந்து தலைநகர் லண்டனில் வாழும் 46 வயது பெண் ரோஸ்மேரி மெக்லின்டன். இவரது கணவர் அந்தோணி, பஸ் டிரைவராக இருக்கிறார்.

குப்பை தொட்டியில் கண்டுபிடிப்பு:

கடந்த மார்ச் 30 ஆம் தேதி அந்தோணியும், ரோஸ்மேரியும் ரோட்டில் நடந்து சென்று கொண்டிருந்த போது, ஒரு குப்பை தொட்டி அருகே ஒரு எலி ஊர்வது போல தெரிந்தது.

சின்ன குட்டி நாய்:

அருகே சென்று பார்த்த போது, மிக மிக சிறிய நாய் என்பது தெரிந்தது. இதையடுத்து அந்த நாயை வீட்டுக்கு எடுத்து வந்து, உணவு ஊட்டிய போது அதனால் சாப்பிட முடியவில்லை.

இங்க் பில்லரில் பால்:

பிறகு ஒரு இங்க் பில்லரில் பாலை எடுத்து ஊட்டிவிட தொடங்கினர்.லகாசாசி எனும் கலப்பின நாயான இந்த சிறிய நாய்க்கு "டைனி டைசன்" என்று பெயர் சூட்டி வளர்க்க தொடங்கினர்.

பிறப்பிலேயே விநோதம்:

ரோஸ்மேரி, 2 மணி நேரத்துக்கு ஒருமுறை இங்க் பில்லர் மூலம் பால் வழங்கி வருகிறார். இந்த குட்டி நாய் 11 செ.மீ உயரமே உள்ளது. பிறக்கும் போதே மிக சிறியதாக பிறந்ததால், மற்ற நாய்கள் கிட்டே சேர்ப்பதில்லை.

பசிக்குதுமா எனக்கு:

டைனிக்கென தனியாக கூடை தயாரித்து, அதில் வைத்து வளர்த்து வருகின்றனர். இதுதொடர்பாக, ரோஸ்மேரி கூறுகையில், "டைனிக்கு பசிக்கும் நேரத்தில் மெலிதாக குரல் கொடுக்கும். நானும் என் உள்ளங்கையில் ஏந்தி அதற்கு பால் புகட்டுவேன்.

ஆரோக்கியமான நாய் “குட்டி”:

வேறு எதுவும் அதனால் சாப்பிட முடியாது. எனினும், அது ஆரோக்கியமாக இருக்கிறது. இங்கிலாந்திலேயே வேறெங்கும் இதுபோன்ற மிக சிறிய குட்டி நாய் இல்லை.

நானும் வளர்ந்துட்டேனே மம்மி...:

முன்பைவிட இப்போது அதன் உயரம் கொஞ்சம் அதிகரித்து உள்ளது" என்கிறார் பூரிப்பாக. இந்நாய் குட்டி அங்கு அனைவரையும் கவர்ந்துள்ளது.

English summary

Tyson measures 11 cm in height and weighs just 11 ounces. Britain's smallest dog Tyson is a ten-week-old pooch that has four brothers and sisters but is only a quarter of his siblings in size. Owner Rosemarie McLinden, 46, has built a special crate for the pup because his siblings think he is just a toy.