எல்லோரும் தட்டிக் கொடுத்து வேலை வாங்குவாங்க.. இவரோ "முத்தம்" கொடுத்து வேலை வாங்குகிறார்!

பெய்ஜிங்: சீனாவைச் சேர்ந்த ஒரு அலுவலகத்தில், வேலை பார்க்கும் பெண் ஊழியர்களுக்கு அந்த நிறுவனத்தின் தலைவர் முத்தம் கொடுத்து நன்றாக வேலை செய்யுமாறு கூறும் காட்சி வைரலாக பரவி வருகிறது.

பெண் ஊழியர்களின் உதட்டில் அந்த பாஸ் முத்தமிட்டு நன்றாக வேலை பார்க்குமாறு கூறுவது போல அந்த வீடியோ உள்ளது. அலுவலக சூழலை சுமூகமாக்கவும், ஊழியர்களுடன் நல்ல உறவைப் பேணும் வகையிலும் அவர் இவ்வாறு முத்தமிடுகிறாராம்.

அந்தப் பெண் ஊழியர்கள் வெள்ளை நிற சட்டை மற்றும் கருப்பு நிற ஸ்கர்ட்டில் காணப்படுகின்றனர். ஒரு அறையில் பொறுமையாக காத்துள்ளனர்.

கிஸ்ஸிங் பாஸ்

பிறகு அந்த பாஸ் வருகிறார். வந்தவுடன் தனது கைகளைப் பின்புறமாக கட்டிக் கொண்டு ஒவ்வொரு பெண்ணிடமும் போய் அவர்களது உதடுகளில் முத்தமிடுகிறார்.

இதில் "டபுள் கொட்டு" வேற!

அதில் ஒரு பெண் 2 முறை அந்த பாஸிடமிருந்து கிஸ் பெறுகிறார். இன்னொரு பெண்ணுக்கு அந்த பாஸ் ரொம்ப நேரம் முத்தம் கொடுக்கிறார்.

டீம் பில்டிங் டே

சீனாவில் டீம் பில்டிங் டே என்று ஒரு தினம் கொண்டாடப்படுகிறதாம். அப்போது எடுத்த வீடியோ இது என்கிறார்கள். இந்த முத்த வைபவம் சில பெண்களுக்கு பிடிக்கவில்லை என்பது அவர்களைப் பார்த்தாலே தெரிகிறது.

வடிவேலு பாஸ்!

என்ன சொல்றது.. இதைப் பார்த்தா அந்த "காவலன்" வடிவேலுதான் ஞாபகத்துக்கு வர்றார் பாஸ்!!

English summary

A Chinese boss is seen kissing his female staffs in his office to make a strong bonding the office.