இது என்ன உடம்பா இல்லை ரப்பரா?: பார்ப்பவர்களை அசத்தும் சுட்டிக் குழந்தை
தெஹ்ரான்: ஈரானைச் சேர்ந்த குழந்தை ஆரத் ஹொசைனிக்கு இன்ஸ்டாகிராமில் 18 ஆயிரம் ஃபாலோயர்கள் உள்ளனர்.
ஈரானில் உள்ள மசந்தரன் மாகாணத்தில் இருக்கும் பபோலைச் சேர்ந்தவர் முகமது. அவரது மனைவி பாத்திமா. அவர்களின் மகன் ஆரத் ஹொசைனி. இந்த மாத இறுதியில் ஆரத் 2வது பிறந்தநாளை கொண்டாட உள்ளார்.
ஆரத் 9 மாத குழந்தையாக இருந்ததில் இருந்தே ஜிம்னாஸ்டிக்ஸ் செய்து அசத்தி வருகிறார். அவர் செய்யும் சாகசங்களை பார்த்து மக்கள் வியக்கிறார்கள். இதனாலேயே ஆரத்தை இன்ஸ்டாகிராமில் 18 ஆயிரம் பேர் பின்தொடர்கிறார்கள்.
இது குறித்து ஆரத்தின் தந்தை முகமது கூறுகையில்,
ஒரு நாள் நான் வேலையில் இருந்து வீட்டிற்கு வந்தபோது குழந்தை ஆரத் எனது விரலைப் பிடித்துக் கொண்டு எழுந்தான். அப்போது தான் அவனுடைய பலம் தெரிந்தது. பின்கூட்டி சோமர்சால்ட் அடிப்பது தான் அவனுக்கு பிடித்தது ஆகும். அவன் தினமும் 20 நிமிடங்கள் சாகசம் செய்கிறான். 10 நிமிடம் பயிற்சி செய்தால் புதிய சாகசத்தை எளிதில் செய்துவிடுவான். ஆரத்துக்கு யோகாவும் தெரியும் என்றார்.