Click it and Unblock the Notifications
Don't Miss
-
இந்த ராசிக்காரர்கள் திருப்பதிக்கு அடிக்கடி போகக்கூடாது.. ஏன் தெரியுமா? -
மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு? -
டெய்லர் ஸ்விஃப்டுடன் கச்சேரி நடத்தப் போகிறாரா ஏ.ஆர். ரஹ்மான்?.. அந்த விருது வேற கிடைச்சிருக்கே! -
தோனி கிடையாது! இந்த 28 வயது வீரர் தான் மிகவும் அபாயகரமான வீரர்.. மேத்தீவ் ஹைடன் கருத்து -
அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு! -
சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..! -
ஜூன் 16-ல் யுஜிசி நெட் தேர்வு...ஏற்பாடுகள் தயார்...!! -
இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
கொரோனா தடுப்பு மருந்து இன்னும் ஒரு மாதத்தில் கிடைக்கும் - ட்ரம்ப் உறுதி
பென்சில்வேனியா: அமெரிக்க தேர்தலுக்கு இன்னும் ஒரு வாரம் மட்டுமே உள்ள நிலையில் பென்சில்வேனியாவில் நடைபெற்ற பிரச்சார கூட்டத்தில் வாக்காளர்களை கவரும் வகையில் பேசியுள்ளார் அதிபர் ட்ரம்ப். கொரோனா தடுப்பு மருந்து இன்னும் ஒரு மாதத்தில் கிடைப்பதற்கான வாய்ப்புகள் உள்ளதாக பேசி பரபரப்பை ஏற்படுத்தியுள்ளார்.
அமெரிக்க அதிபர் தேர்தல் நவம்பர் 3 ஆம் தேதி வருகிறது. முன்னதாக வாக்களிக்கும் முறையை பயன்படுத்தி 60 மில்லியனுக்கும் மேற்பட்ட வாக்காளர்கள் வாக்களித்துள்ளனர். எதிர்கட்சி வேட்பாளர் ஜோ பிடனுக்கு எதிராக தீவிர பிரச்சாரத்தில் அதிபர் ட்ரம்ப் ஈடுபட்டு வருகிறார்.
தேர்தலில் வெற்றி வாய்ப்பை பெறுவதற்காக உடனடியாக கொரோனா தடுப்பு மருந்தை கண்டுபிடிக்கும்படி ஆராய்ச்சியாளர்கள் மற்றும் அரசு சுகாதார அதிகாரிகளுக்கு கடும் அழுத்தம் கொடுப்பதாக கூறப்படுகிறது.
அதிபர் பதவிக்கான தேர்தல் பிரச்சாரம் இறுதிக்கட்டத்தை எட்டியுள்ளதால் அனல் பறக்கத் தொடங்கியுள்ளது. இந்த நிலையில் அதிபர் ட்ரம்ப் பென்சில்வேனியாவில் நடைபெற்ற வாக்காளர் சந்திப்பு கூட்டத்தில் பங்கேற்றார். அப்போது கொரோனா வைரஸ் நோய்த்தொற்றுக்கான தடுப்பு மருந்து நடவடிக்கைககள் குறித்து கேள்வி எழுப்பப்பட்டது.
இதற்கு பதிலளித்த அதிபர் டிரம்ப், கொரோனா தடுப்பு மருந்து கண்டுபிடிப்பு முயற்சியில் கிட்டத்தட்ட நெருங்கி விட்டதாகவும், மூன்று அல்லது நான்கு வாரங்களில் இதுதொடர்பாக உங்களுக்குத் தெரிவிப்போம் என்றும் கூறினார்.
இந்தக் கூட்டத்திற்கு சில மணி நேரங்களுக்கு முன்பு தான் ஃபாக்ஸ் செய்தி நிறுவனத்துக்குப் பேட்டியளித்த ட்ரம்ப், கொரோனா தடுப்பு மருந்து இன்னும் நான்கு வாரங்கள் முதல், எட்டு வாரங்களில் தயாராகி விடும் எனக் கூறியிருந்தார் என்பது குறிப்பிடத்தக்கது.
அமெரிக்காவில் கொரோனாவை கட்டுப்படுத்த அதிபர் ட்ரம்ப் தவறிவிட்டார் பல லட்சம் பேரின் வாழ்க்கையும் பொருளாதாரமும் பாதிக்க ட்ரம்ப் காரணமாகிவிட்டார் என்று எதிர்கட்சியினர் குற்றம் சாட்டி வரும் நிலையில் கொரோனா தடுப்பு மருந்தை ஒரு மாதத்தில் கண்டுபிடித்து விடுவோம் என்று கூறியுள்ளார் ட்ரம்ப்.
