ஹிலரியை அதிபர் தேர்தலில் போட்டியிடவே அனுமதிக்கக் கூடாது! - ட்ரம்ப் ஆவேசம்
லாஸ் வேகஸ்(யு.எஸ்): நடைபெற்று வரும் அதிபர் வேட்பாளர் விவாதத்தில் ஹிலரியை தேர்தலில் போட்டியிட அனுமத்தித்திருக்க கூடாது. அதுவே மிகப்பெரிய முறைகேடு என்று ட்ரம்ப் ஆவேசமாக பேசினார்.
அதிபர் தேர்தலில் முறைகேடு என்பதற்கு என்ன அடிப்படை என்ற நெறியாளரின் கேள்விக்கு, ஊடகங்கள் ஒருதலைப்பட்சாமாக உள்ளன.
மில்லியன் கணக்கில், வாக்களிக்க உரிமை இல்லாதவர்களுக்கு வாக்களிக்க உரிமை வழங்கப்பட்டுள்ளது.
உச்சக் கட்டமாக, இமெயில் முறைகேடு செய்த ஹிலரி க்ளிண்டனை தேர்தலில் போட்டியிட அனுமத்தித்ததே மிகப் பெரிய முறைகேடாகும் என்று ட்ரம்ப் குற்றம் சுமத்தினார்.
இந்த பதிலில் திருப்தி அடையாத நெறியாளர் க்ரிஸ் வாலஸ், இன்னும் விளக்கமாக சொல்லுங்கள் என்றார். அதற்கு நழுவிய ட்ரம்ப் நேரம் வரும்போது சொல்கிறேன் என்று மழுப்பி விட்டார்.
ஒவ்வொரு ஊர்வலத்திலும், கூட்டத்திலும் தேர்தல் முறைகேடு என்று குற்றம் சாட்டிய ட்ரம்ப் தேசிய தொலைக்காட்சி விவாதத்தில் பம்மி விட்டார்.
தோற்பவர்கள் சொல்லும் சாக்கு போக்கு இது என்று ஹிலரி ஊதித் தள்ளி விட்டார்.