வெள்ளை மாளிகை அருகே மர்ம பொருள்.. அமெரிக்க அதிபர் மாளிகை திடீர் மூடல்
வாஷிங்டன்: அமெரிக்காவின் வெள்ளை மாளிகை அருகே உள்ள மைதானத்தில் மர்ம பை ஒன்று இருப்பதை பாதுகாவலர்கள் கண்டுபிடித்தனர். இதையெடுத்து முன்னெச்சரிக்கை நடவடிக்கையாக வெள்ளை மாளிகை மூடப்பட்டு பாதுகாப்பு பலப்படுத்தப்பட்டுள்ளது.
அமெரிக்க அதிபரின் அதிகாரப்பூர்வ இல்லமான வெள்ளை மாளிகையின் வடக்கு பகுதியில் உள்ள பூங்காவில் மர்ம பை ஒன்று இருப்பதை போலீசார் கண்டுபிடித்தனர்.
வெடிகுண்டாக இருக்கலாம் என்பதால் அதிபர் மாளிகையின் வடக்கு பூங்கா மூடப்பட்டது. இதனையடுத்து அப்பகுதியில் பதற்றமான சூழல் ஏற்பட்டது. பின்னர் உடனடியாக வெள்ளை மாளிகை கதவுகளும் மூடப்பட்டது.
இதனையடுத்து அமெரிக்கா ரகசிய போலீஸ் பிரிவினர் சோதனை நடவடிக்கையில் ஈடுபட்டனர். அதற்கு பொதுமக்கள் மற்றும் ஊடகங்களை சற்று தொலைவிற்கு அப்பால் பாதுகாப்பான இடங்களுக்கு செல்லுமாறு அறிவுறுத்தினர்.
இதன்பின்னர் அந்த மர்மமான பை அகற்றப்பட்டதோடு பாதுகாப்பும் பலப்படுத்தப்பட்டது. மர்ம பை குறித்து வெள்ளை மாளிகை போலீசார் தீவிர விசாரணை நடத்தி வருகின்றனர்.