சுவிட்சர்லாந்து நாடாளுமன்றத்தை மீண்டும் உலுக்கிய நிர்வாண 'செல்ஃபீ'
ஜெனிவா: சுவிட்சர்லாந்தில் வேலை நேரத்தில் நிர்வாண செல்ஃபீக்களை தனது முன்னாள் காதலிக்கு அனுப்பிய மேயர் ஜெரி முல்லர் சஸ்பெண்ட் செய்யப்பட்டுள்ளார்.
சுவிட்சர்லாந்தில் உள்ள பதேன் முனிசிபாலிட்டியின் மேயர் ஜெரி முல்லர். கிரீன் நேஷனல் கட்சியை சேர்ந்த அவர் வேலை நேரத்தில் தனது முன்னாள் காதலிக்கு நிர்வாண செல்ஃபீ அனுப்பியுள்ளார். மேலும் செக்ஸ் குறித்து சாட் செய்யும் இணையதளத்தில் பெண் ஒருவரிடம் ஆபாசமாக பேசியதாக அவர் மீது குற்றம் சாட்டப்பட்டது.
இதையடுத்து சுவிட்சர்லாந்து நாடாளுமன்றம் முல்லரை சஸ்பெண்ட் செய்துள்ளது. இதைத் தொடர்ந்து துணை மேயர் மார்கஸ் ஷ்னெய்டர் மேயரின் பொறுப்புகளை ஏற்றுள்ளார்.
முன்னதாக சுவிட்சர்லாந்து நாடாளுமன்ற செயலாளர் அடிலெய்ன் லபாய்ன் தனது நிர்வாண செல்ஃபீக்களை நாடாளுமன்ற வளாகத்தில் இருந்து கொண்டே வெளியிட்டார். இதையடுத்து அவர் சஸ்பெண்ட் செய்யப்பட்டார்.
செல்ஃபீக்கள் அனுப்புவது தனது தனிப்பட்ட விஷயம், அதன் மூலம் தான் எந்த விதிமுறைகளையும் மீறவில்லை என்று லபாய்ன் தெரிவித்திருந்தார்.