உலகத்தின் நீளமான நூடுல்ஸ் இதுதான்... கின்னஸ் புத்தகத்தில் இடம்பிடித்தது! - வீடியோ
சீனாவில் கின்னஸ் சாதனைக்காக 3 கிலோ மீட்டர் நீளத்திற்கு பெரிய நூடுல்ஸ் தயாரிக்கப்பட்டு இருக்கிறது.
Recommended Video
பெய்ஜிங்: சீனாவில் கின்னஸ் சாதனைக்காக 3 கிலோ மீட்டர் நீளத்திற்கு பெரிய நூடுல்ஸ் தயாரிக்கப்பட்டு இருக்கிறது. உலகிலேயே இதுதான் நீளமான நூடுல்ஸ் என்ற சிறப்பு பெயரை பெற்று இருக்கிறது.
இதை தயாரிப்பதற்கே பல மணி நேரம் ஆகி இருக்கிறது. மேலும் முக்கிய சமையல் கலைஞர்கள் பலர் ஒன்றாக இணைந்து இந்த சாதனையை செய்து இருக்கிறார்கள்.
சீனர்களின் முக்கிய உணவு நூடுல்ஸ் ஆகும். அதை வைத்து தற்போது அவர்கள் பெரிய கின்னஸ் சாதனை படைத்துள்ளனர். இந்த 5 நிமிடத்தில் தயாராகும் நூடுல்ஸை தயாரிக்க பல மணி நேரம் ஆகியுள்ளது குறிப்பிடத்தக்கது.
தேவையான பொருட்கள்
இந்த நூடுல்ஸை தயாரிக்க மொத்தம் 40 கிலோ ரொட்டி மாவு பயன்படுத்தப்பட்டு இருக்கிறது. சீனாவில் அதிகம் பயன்படுத்தும் ராமன் நூடுல்ஸ் வகையில் இது தயாரிக்கப்பட இருந்ததால் ரொட்டி மாவு வாங்கப்பட்டு இருக்கிறது. இதற்காக 26.8 லிட்டர் தண்ணீர் செலவாகி இருக்கிறது. அதேபோல் 0.6 கிராம் உப்பு பயன்படுத்தப்பட்டு உள்ளது.
செய்தது எப்படி
இதை செய்வதற்கு மொத்தம் 17 தலைசிறந்த சமையல் கலைஞர்கள் ஈடுபடுத்தப்பட்டு இருக்கிறார்கள். இந்த நூடுல்ஸ் செய்வதற்கு 15 மணிநேரத்திற்கும் அதிகமாக ஆகியுள்ளது. இது முழுக்க முழுக்க கைகளால் செய்யப்பட்ட நூடுல்ஸ் ஆகும். மொத்தமாக இது 68 கிலோ இருந்துள்ளது. மேலும் 3 கிலோ மீட்டர் நீளம் இருக்கும் வகையில் உருவாக்கப்பட்டு இருக்கிறது.
கின்னஸ் சாதனை
இந்த நீளமான நூடுல்ஸ் தற்போது கின்னஸ் புத்தகத்தில் இடம்பிடித்துள்ளது. இதன் தயாரிப்பு பணிகள் வீடியோவாக வெளியிடப்பட்டு இருக்கிறது. இதற்கு முன்பு ஜப்பானை சேர்ந்த சமையல் கலைஞர் ஒருவர் 1800 அடியில் நூடுல்ஸ் செய்ததே இதுவரை நீளமான நூடுல்ஸாக இருந்தது. இதன் நீளத்தை கணக்கிடவே மொத்தம் 3 மணிநேரம் ஆகி இருக்கிறது.
எதற்காக
இந்த சாதனைக்கு பின் முக்கியமான காரணம் ஒன்றும் இருக்கிறது. சீனாவில் இந்த சாதனை செய்யப்பட்ட அன்று 'முதியோர்கள் தினம்' கொண்டாடப்பட்டு இருக்கிறது. இதற்காகவே இந்த சாதனை செய்யப்பட்டு இருக்கிறது. மேலும் இந்த உணவு சாஸ் ஊற்றி அங்கு இருந்த முதியவர்கள் அனைவருக்கும் பகிர்ந்தளிக்கப்பட்டுள்ளது. நீண்ட ஆயுளை குறிக்கவே நீளமான நூடுல்ஸ் செய்யப்பட்டு இருக்கிறது.