Click it and Unblock the Notifications
Don't Miss
-
களையெடுக்க வரும் மத்திய அரசு.. ஜியோ, ஏர்டெல் உடன் கூட்டணி..OTP மோசடி-க்கு முடிவு..!! -
தோனியை ரொம்ப நம்பாதீங்க! இதுக்கு மேல் ஏதும் செய்ய முடியாது! சிஎஸ்கே பயிற்சியாளர் பிளமிங் கருத்து -
சினிமா என்னங்க.. சீரியல் சான்ஸுக்கே அட்ஜெஸ்ட்மெண்ட் பண்ண சொல்றாங்க.. பாண்டியன் ஸ்டோர்ஸ் நடிகை பகீர்! -
1 கப் ரேசன் அரிசி வெச்சு ஈவ்னிங் டைம்-ல இப்படியொரு ஸ்நாக்ஸ் செய்யுங்க.. அட்டகாசமா இருக்கும்.. -
ரொம்ப பணம் எல்லாம் வேணாம், உங்க கையில் இருக்குற பணத்தை வச்சே இந்த காரை வாங்கலாம் போல! -
SBI வங்கி கணக்குடன் உங்களது புதிய மொபைல் எண் இணைக்க வேண்டுமா? இதோ எளிய வழிமுறைகள்.. -
புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...! -
இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
சாம்பார், வடை வழங்கும் உலகின் பழமையான சைவ ஹோட்டல்: இது சுவிட்சர்லாந்தில்
ஜுரிச்: சுவிட்சர்லாந்தில் உள்ள உலகின் பழமையான சைவ உணவகத்தில் தென்னிந்திய உணவான சாம்பார் வடை விற்பனை செய்யப்படுகிறது.
சுவிட்சர்லாந்தில் உள்ள ஜுரிச் நகரில் இருக்கும் ஹாஸ் ஹில்டல் தான் உலகின் பழமையான சைவ உணவகம் ஆகும். உலகின் பழமையான சைவ உணவகம் ஹாஸ் என்று கடந்த 2012ம் ஆண்டு கின்னஸ் அதிகாரிகள் சான்றிதழ் அளித்தனர்.
1898ம் ஆண்டு ஜெர்மனியில் இருந்து சுவிட்சர்லாந்தில் குடியேறிய சிலரால் ஹாஸ் ஹில்டல் துவங்கப்பட்டது. ஆரோக்கியமாக வாழ சைவ உணவு நல்லது என்பதை உலகிற்கு தெரிவிக்க அந்த ஹோட்டல் துவங்கப்பட்டது.
மொரார்ஜி தேசாய்
முன்னாள் பிரதமர் மொரார்ஜி தேசாய் சுவிட்சர்லாந்தில் பயணம் மேற்கொண்டபோது ஹாஸ் ஹில்டல் ஹோட்டலுக்கு சென்று சாப்பிட்டுள்ளார். உலக நாடுகளைச் சேர்ந்த பல பிரபலங்கள் அந்த ஹோட்டலில் சாப்பிட்டுள்ளனர்.
|
டெல்லி
ஹோட்டலை துவங்கிய மார்கரித்தின் மருமகள் கடந்த நூற்றாண்டில் சைவ உணவு பற்றி மேலும் கற்றுக் கொள்ள டெல்லி வந்தார். அவர் இந்தியாவில் பல பிரபல சைவ உணவு வகைகளை சமைக்க கற்றுக் கொண்டு நாடு திரும்பினார். நாடு திரும்பிய உடன் தான் கற்றுக் கொண்ட இந்திய உணவு வகைகளை அவர் அந்த ஹோட்டலில் அறிமுகப்படுத்தினார். அந்த உணவு வகைகள் தற்போதும் அங்கு பிரபலமாக உள்ளன.
சாம்பார் வடை
ஹாஸ் ஹில்டல் ஹோட்டலில் தென்னிந்திய உணவு வகையான சாம்பார், வடை முதல் பாலக் பன்னீர் வரை பல வகையான இந்திய உணவுகள் கிடைக்கின்றது.
|
ஹில்டல்
சைவப் பிரியர்களை கிண்டல் செய்த நேரத்தில் ஹாஸ் ஹில்டல் ஹோட்டல் துவங்கப்பட்டது. அதனால் ஹோட்டலில் வியாபாரம் சரியில்லை. ஹோட்டல் துவங்கிய சில ஆண்டுகள் கழித்து அதை டெய்லரான அம்ப்ரோசியஸ் ஹில்டல் என்பவர் வாங்கி நடத்தத் துவங்கினார்.
|
சைவம்
ஹில்டலின் உடல்நிலை பாதிக்கப்பட்டதால் அவர் இனியும் டெய்லர் பணியை தொடர முடியாது என்று மருத்துவர்கள் தெரிவித்தனர். மேலும் அவர் சைவ உணவை மட்டுமே சாப்பிட வேண்டும் என அறிவுரை வழங்கினர். அதன் பிறகே அவர் அந்த ஹோட்டலை முழுமூச்சில் நடத்தத் துவங்கினார். 1903ம் ஆண்டு ஹில்டல் அந்த ஹோட்டலின் மேனேஜர் ஆனார். பின்னர் அதை அவர் தனது மனைவி மார்தாவின் உதவியுடன் வாங்கினார். தற்போது அந்த ஹோட்டலை ஹில்டல் குடும்பத்தின் நான்காம் தலைமுறையினர் நடத்தி வருகிறார்கள்.
