உலகின் உயரமான ஆணும், குள்ளமான பெண்ணும் எகிப்தில் எடுத்த போட்டோ ஷூட்
உலகின் உயரமான ஆணும், குள்ளமான பெண்ணும் எகிப்தில் போட்டோ ஷூட் எடுத்த புகைப்படங்கள் சமூக வலைதளங்களில் வைரலாகி வருகிறது.
கெய்ரோ: எகிப்தின் சுற்றுலா துறையை மேம்படுத்த உலகின் உயரமான ஆணும், குள்ளமான பெண்ணும் சந்தித்துக் கொண்டனர். இந்த புகைப்படங்கள் சமூகவலைதளங்களில் வைரலாகி வருகின்றன.
துருக்கியைச் சேர்ந்தவர் சுல்தான் கோஷன் (36). இவரது உயரம் 8 அடி 9 அங்குலம். இவர் உலகின் உயரமான மனிதராவார். அதேபோல் மகாராஷ்டிர மாநிலம் நாக்பூரை சேர்ந்தவர் ஜோதி ஆம்ஜ் (25). இவரது உயரம் 2 அடி 6 அங்குலமாகும்.
இவர்கள் இருவரையும் எகிப்து சுற்றுலாவை மேம்படுத்த எகிப்து சுற்றுலா மேம்பாட்டு கழகம் வரவழைத்துள்ளது. இருவரும் நைல் நதிக்கரையில் எகிப்தின் கிசா நகரத்தில் போட்டோ ஷூட் எடுத்தனர்.
இந்த புகைப்படங்கள் சமூகவலைதளங்களில் வைரலாக பரவி வருகின்றன. இந்த போட்டோ ஷூட்டில் இருவரின் உயரத்துக்கும் இடையேயான வித்தியாசத்தை காட்டுகிறது. கடந்த 2009-ஆம் ஆண்டு சுல்தான் கோஷன் உலகின் உயர்ந்த மனிதரானார்.
ஜோதி ஆம்ஜ், 2 வயது குழந்தையை காட்டிலும் குள்ளமாக இருப்பார். இவர் பிக்பாஸ் மற்றும் அமெரிக்க ஹாரர் கதைகளில் வந்துள்ளார்.