”இஞ்சி இடுப்பழகி”யா இருந்தா பிரச்சினையில்லை; ஆனா தொப்பை இருந்தா சீக்கிரமே சங்குதான்!
நியூயார்க்: உடல் பருமனாக இருப்பதைக் காட்டிலும் தொப்பை வைத்திருப்பதே ஆபத்தை விளைவிக்கும் என அமெரிக்க ஆராய்ச்சியாளர்கள் எச்சரிக்கை விடுத்துள்ளனர்.
பதினான்கு ஆண்டுகளாக நடத்தப்பட்ட இந்த ஆராய்ச்சியில் உடல்பருமனாக உள்ளவர்களை விட இயல்பான உடல் எடையுடன் மாபெரும் தொப்பை கொண்ட மனிதர்களே விரைவில் மரணம் அடைவதாக தெரியவந்துள்ளது.
அதனால் உடல் எடையைக் காட்டிலும் தொப்பை கொண்டவர்களே சீக்கிரம் மரணமடைவதாகவும் தெரிவிக்கப்பட்டுள்ளது.
பெண்கள்தான் ஜாஸ்தி:
அதிலும் இதுபோன்ற தொப்பையுள்ள பெண்கள் ஆண்களைக் காட்டிலும் முப்பத்து இரண்டு சதவிகிதம் அதிகமாக மரணம் அடைவதாகவும் தெரியவந்துள்ளது.
தொப்பையை குறைங்க:
ஆகவே உடல் எடை குறைப்பது தொடர்பாக பேசுவதை தவிர்த்து விட்டு, தொப்பையை குறைப்பது பற்றி முடிவுசெய்ய வேண்டும் என்று ஆராய்ச்சியாளர்கள் குறிப்பிட்டுள்ளனர்.
முறையான உடற்பயிற்சி:
தொப்பையுள்ள ஆண்கள் மற்றும் பெண்கள் முறையான உடற்பயிற்சி மற்றும் ஊட்டச்சத்து நிறைந்த சரியான உணவை எடுத்துக்கொள்ள வேண்டுமாம்.
கொழுப்பை குறைங்க:
இதன் மூலம் இடுப்பில் உள்ள கொழுப்பு தானாகவே குறையும் என இந்த ஆராய்ச்சி குழுவில் உள்ள ஆராய்ச்சியாளாரான பால் போய்ரீர் குறிப்பிட்டுள்ளார்.