Voters list: வெளியானது குமரி மாவட்ட வாக்காளர் பட்டியல்.. மொத்தம் 14.77 லட்சம் வாக்காளர்கள்!

கன்னியாகுமரி: கன்னியாகுமரி மாவட்டத்தில் உள்ள 6 சட்டமன்ற தொகுதிகளுக்கான இறுதி வாக்காளர் பட்டியலை மாவட்ட ஆட்சியர் பிரசாந்த் இன்று வெளியிட்டார்.

இன்று தமிழகம் முழுவதும் இறுதி வாக்காளர் பட்டியலை தேர்தல் ஆணையம் வெளியிட்டது. அதன்படி குமரி மாவட்ட வாக்காளர் பட்டியலும் இன்று நாகர்கோவிலில் வெளியானது.

பாராளுமன்ற தேர்தல் நெருங்கி வரும் நிலையில் தமிழகம் முழுவதும் இறுதி வாக்காளர் பட்டியல் இன்று வெளியிடப்பட்டு வரப்படுகிறது. அந்த வகையில் கன்னியாகுமரி மாவட்டத்தில் 6 சட்டமன்ற தொகுதிகளுக்கான இறுதி வாக்காளர் பட்டியலை மாவட்ட ஆட்சியர் பிரசாந்த் இன்று வெளியிட்டார்.

வாக்காளர் பட்டியலில் மொத்தம் 14 லட்சத்து 77 ஆயிரத்து 161 வாக்காளர்கள் இடம் பெற்றுள்ளனர். இதில் ஆண்கள் 7 லட்சத்து 45 ஆயிரத்து 626 வாக்காளர்களும், பெண்கள் 7 லட்சத்து 31 ஆயிரத்து 387 வாக்காளர்களும் இடம் பெற்றுள்ளனர். மூன்றாம் பாலின வாக்காளர்கள் 148 பேர் இடம்பெற்றுள்ளனர்.
வாக்காளர் பட்டியலின் நகல்கள் அனைத்துக் கட்சி பிரநிதிகளுக்கும் வழங்கப்பட்டது.

English summary

District Collector Prasanth released the final voter list for 6 assembly seats in Kanyakumari district.