நான்தாங்க "சின்ன வீடு".. ஞாபகம் இருக்கா.. அங்க பாருங்க ஒருத்தர் சிரிக்கிறாரு.. கரூரை கலக்கிய பபிதா!
கரூர்: "என்னை உங்களுக்கு ஞாபகம் இருக்கா? பாக்யராஜ் படத்தில் சின்னவீடா வந்தேனே.. அது நான்தான்" என்று கவர்ச்சி நடிகை பபிதா கரூரில் அதிமுகவுக்காக பிரச்சாரத்தில் ஈடுபட்டார்.
கரூர் தொகுதியில் அதிமுக சார்பில் மு. தம்பிதுரை போட்டியிடுகிறார். இவருக்கு வாக்கு சேகரிக்க நடிகை பபிதா பிரச்சாரம் மேற்கொண்டார். அப்போது அவர் பேசும்போது சொன்னதாவது:
இத்தனை முறை ஆட்சியில் திமு இருந்தும் ஏதாவது திட்டத்தை முறையாக செயல்படுத்தினாங்களா? ஆனால் இதுவே அம்மா ஆட்சியில், சத்துணவு திட்டம், பசுமை வீடுகள், முதியோர் உதவித் தொகை, அம்மா உணவகம், 20 கிலோ ரேசன் அரிசி.. இப்படி எத்தனையோ திட்டங்கள் இன்றுவரை செயல்படுத்தப்பட்டு வருகிறது.
ஊட்டியில் ஓபிஎஸ்.. பேரன் பள்ளி விழாவுக்கு விசிட்.. கோஷ்டி பூசலையும் சமாளித்தார்.. செம பரபரப்பு!
பிரச்சாரம்
திமுக ஆட்சிக்கு வந்தால் அவங்க குடும்பம் மட்டும் முன்னேறும். இதுவே அதிமுக ஆட்சி நீடித்தால் ஏழை எளியவர்கள் எல்லாரும் நன்றாக இருப்பார்கள்" என்றார். தொடர்ந்து பேசிய பபிதா தன்னை பற்றியும் சிறிதாக அறிமுகப்படுத்தி கொண்டார். ஏனெனில் பிரச்சாரத்தில் பேசி கொண்டிருப்பது யார் என்றே நிறைய பேருக்கு தெரியாமலேயே நின்றிருந்தனர்.
சின்ன வீடு
உடனே பபிதா, "என்னை உங்களுக்கு ஞாபகம் இருக்கா? நாயகன் படத்தில் வரும் "நான் சிரித்தால் தீபாவளி" என்ற பாடலுக்கு நான் டான்ஸ் ஆடி இருக்கிறேன். பாக்யராஜ் படத்தில் சின்னவீடாக நடித்திருக்கிறேன். அங்க பாருங்க.. சின்ன வீடுன்னு சொன்ன உடனேயே ஒருத்தர் எப்படி சிரிக்கிறார்? ஐயோ.. நிஜ சின்ன வீடு இல்லீங்க.. படத்தில அப்படி நடிச்சிருப்பேன்" என்றார்.
ஸ்டார் பேச்சாளர்கள்
பொதுவாக, ஜெயலலிதா இருந்தவரை ஏராளமான நடிகை, நடிகர்கள் பிரச்சாரத்தில் ஈடுபடுவார்கள். குறிப்பாக ராமராஜன், விந்தியா, நமீதா, பாடகி அனிதா குப்புசாமி, ஆர்த்தி போன்றோர் ஸ்டார் பேச்சாளர்களாக இருப்பார்கள். இந்த முறை இவர்கள் வாய்ப்பு கேட்டும் மறுக்கப்பட்டதாக சொல்கிறார்கள்.
கவர்ச்சி நடிகை
அதே சமயத்தில் எப்போதோ அதாவது 80, 90'களில் கவர்ச்சி நடிகையாக நடித்த பபிதாவை எல்லோருமே மறந்து போன நிலையில், இப்போது பிரச்சாரம் செய்ய வைத்திருப்பது மட்டும் சரியா என்று கேள்வி எழுப்புகிறார்கள். எனினும் பபிதா கரூர் மாவட்டத்தை சேர்ந்தவர் என்பது குறிப்பிடத்தக்கது!