பாஜகவின் சி-டீம் தான் அமமுக... தினகரன் குறித்து செந்தில் பாலாஜி கடும் விமர்சனம்
கரூர்: பாஜக, அமமுக மூன்றும் ஒரே அணி தான் என்றும் அமமுக பாஜகவின் சி-டீம் தான் என்றும் அரவக்குறிச்சி திமுக வேட்பாளர் செந்தில்பாலாஜி கடுமையாக விமர்சித்தார்.
அமமுகவில் இருந்து விலகி திமுகவில் சேர்ந்த முன்னாள் அமைச்சர் செந்தில் பாலாஜி, தற்போது கரூர் மாவட்ட திமுக பொறுப்பாளராக இருப்பதுடன், அரவக்குறிச்சி தொகுதியில் திமுக சார்பில் வேட்பாளராகவும் போட்டியிடுகிறார்.
அவர் அரவக்குறிச்சி தொகுதிக்கு உள்பட்ட க.பரமத்தி ஊராட்சி ஒன்றித்தின் கீழ் உள்ள கிராம பகுதிகளில் வாக்கு சேகரித்தார்.
அப்போது செந்தில் பாலாஜி செய்தியாளர்களிடம் பேசுகையில், தினகரன் விரக்தியின் உச்சிக்கு சென்று விட்டதால், என்ன பேசுவது எனத் தெரியாமல் பேசி வருகிறார். அதிமுக, பாஜக, அமமுக மூன்றும் ஒரே அணி தான் எனக்கூறிய அவர், பாஜகவின் சி-டீம் தான் அமமுக என விமர்சித்தார்.
இந்த சண்டை எப்ப முடியும்.. அப்பீல் செய்ய கிரண் பேடிக்கு காசு தர மாட்டோம்.. நாராயணசாமி!
அமைச்சர் பதவி ஆசையில், செந்தில்பாலாஜி திமுகவில் இணைந்துவிட்டதாக தினகரன் முனபு விமர்சித்த நிலையில் அதற்கு பதிலடியாக இப்போது தினகரனை செந்தில்பாலாஜி விமர்சனம் செய்துள்ளார்.