• search
கரூர் அப்டேட்டுகளுக்கு
நோட்டிபிகேஷனை அனுமதி  

இதோ இப்படி ஓரமா விழுந்து கிடக்கே.. அது என்னன்னு பாருங்க.. "ஐயோ" என்று அலறிய பயணிகள்!

|
    ஓடிக் கொண்டிருந்த ஆம்னி பஸ்ஸில் இருந்து, டயர் கழண்டு ஓடியது.. அடுத்து என்ன நடந்தது தெரியுமா? - வீடியோ

    கரூர்: இதோ இப்படி ஓரமா விழுந்து கிடக்கே.. அது என்னன்னு தெரியுதா.. ஓடிக் கொண்டிருந்த ஆம்னி பஸ்ஸில் இருந்து, ஒரு டயர் அப்படியே கழண்டு உருண்டு ஓடி, அங்கிருந்த ஒரு ரேஷன் கடை சுவற்றை துளைத்துக் கொண்டு உள்ளே போய் விழுந்தது!! இதையடுத்து பஸ்சுக்குள் இருந்து பயணிகளின் அலறல் சத்தம் அந்த பகுதியே அதிர்ச்சிக்கு உள்ளாக்கியது!

    ஆம்னி பஸ்களில் ஏகப்பட்ட புகார்கள் அடுக்கடுக்காக வர ஆரம்பித்துவிட்டன.. சொகுசுக்காகவும், விரைவான பயணத்துக்காகவும், சில வசதிகளுக்காகவும் ஆயிரக்கணக்கில் பணத்தை செலவு செய்து ஆம்னி பஸ்ஸை பயணிகள் தேர்ந்தெடுத்து செல்கின்றனர். ஆனால் உயிருக்கு பாதுகாப்பு இருக்குமா என்ற சந்தேகத்தை இந்த பஸ்களின் பயணங்கள் ஏற்படுத்தி வருகின்றன.

    karur private kpn bus accident

    கரூரில் இருந்து சேலத்துக்கு கேபிஎன் நிறுவனத்தின் ஆம்னி பஸ் ஒன்று கிளம்பியது. மண்மங்கலம் வட்டம், பண்டுதகாரன்புதூர் பகுதியில் இந்த பஸ் சென்று கொண்டிருந்தபோது, அதன் முன் பக்கம் இடதுபுறத்தில் இருந்த டயர் திடீரென கழன்றுவிட்டது.

    வேகமாக உருண்டோடிய டயர்.. ரோட்டோரம் இருந்த ரேஷன் கடையின் சுற்று சுவரை உடைத்து கொண்டு போய் அந்த வளாகத்தில் விழுந்தது. இது தெரியாமல் வண்டியை ஓட்ட முயற்சித்தபோதுதான்,டயர் கழண்டு விட்டது டிரைவருக்கு தெரியவந்தது... பிறகு அந்த பஸ் திடீரென குடைசாய்ந்து விழுந்தது.. இதில் பயணிகள் கத்தி அலறினர்.. ஆனால் படுசாமர்த்தியமாக பஸ்ஸை உடனே நிறுத்தி பயணிகளின் உயிரை காப்பாற்றிவிட்டார் டிரைவர்.

    20-க்கும் மேற்பட்டோருக்கு லேசான காயம் ஏற்பட்டாலும், பெரிய அளவு பாதிப்பு இல்லை.. பின்னர் அனைவரையும் வேறு ஒரு பஸ்ஸில் ஏற்றி பத்திரமாக அனுப்பி வைக்கப்பட்டனர். "நல்ல வேளை, டிரைவர் சாமர்த்தியமா பிரேக் போட்டார்.. இல்லேன்னா ஏடாகூடமா ஏதாவது ஆகியிருக்கும்.. அந்த டயர் ஓடிய வேகத்துக்கு, முன்பக்கம் வேற ஏதாவது வண்டி வந்திருந்தால், பெரிய விபத்துகூட நடந்திருக்கும்." என்று நிம்மதி பெருமூச்சு விட்டவாறு பயணிகள் தெரிவித்தனர்.

     
     
     
    English summary
    karur private kpn bus accident because of front wheel come off moving bus
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
    X