டாம் அன்ட் ஜெர்ரி தெரியுமா?.. என் அறையில் ஜெர்ரி வந்துவிட்டது.. லண்டனில் அரபு நாட்டவரின் அலப்பறை!

லண்டன்: ஹோட்டல் அறையில் எலி புகுந்துவிட்டது என்பதை டாம் அன்ட் ஜெர்ரியோடு ஒப்பிட்டு அரபு நாட்டவர் புகார் அளித்த தொலைபேசி அழைப்பு வைரலாகி வருகிறது.

அரபு நாட்டவர் ஒருவர் லண்டனுக்கு சென்று அங்கிருந்த ஹோட்டல் அறையில் தங்கியிருந்தார். அவருக்கு ஆங்கிலம் சரியாக தெரியாது. இந்த நிலையில் அவரது அறையில் திடீரென எலி ஒன்று வந்தது.

உடனே அவர் செய்வதறியாது திகைத்த அந்த நபர் ஹோட்டல் அறையின் வரவேற்பாளருக்கு போன் செய்தார். அவருக்கு ஆங்கிலம் தெரியாததால் எலி வந்துவிட்டதை அவருக்கு தெரிந்த ஆங்கிலத்தில் கூறுகிறார்.

டாம் அன்ட் ஜெர்ரி

அது அந்த வரவேற்பாளருக்கு புரியவில்லை. பின்னர் திடீரென அந்த அரபு நாட்டவர் உங்களுக்கு டாம் அன்ட் ஜெர்ரி தெரியுமா என கேட்டுள்ளார். அதற்கு அந்த வரவேற்பாளர் தெரியும் என்கிறார்.

நுழைந்த எலி

உடனே அந்த நபர், எனது அறையில் ஜெர்ரி நுழைந்துவிட்டது என்கிறார். முதலில் அந்த வரவேற்பாளருக்கு புரியவில்லை. பின்னர் தனது அறையில் எலி நுழைந்துவிட்டதைத்தான் அவர் ஜெர்ரி என்கிறார் என்பதை புரிந்து கொண்டார்.

இல்லை

இதையடுத்து அந்த நபர் உடனே அதை பிடிக்க டாமை அனுப்புங்கள் என்கிறார். அதற்கு அந்த வரவேற்பாளரோ ஹோட்டலில் டாம் எல்லாம் இல்லை என்கிறார்.

This Arab guy calls the hotel reception to complain about a mouse in his room. Listen to how he describes the situation 💀💀💀😂😂😂 pic.twitter.com/feObtAj9Bp

— Arab Brincess (@Ella_7991) January 17, 2020

சிரிப்பலை

இந்த ஆடியோ இணைதளத்தில் வைரலாகியுள்ளது. இதை 3.7 மில்லியன் பேர் பார்த்துள்ளனர். இணையத்தில் இதை கேட்டு கேட்டு சிரித்து ஷேர் செய்கிறார்கள்.

English summary

Arab man who doesnt know English tells receptionist that he found jerry in his room and asked her to send Tom.