ஓஓ-வென டிக் டாக்கில் பாடல்.. திடீரென மேற்கூரையை பிய்த்துக் கொண்டு விழுந்த தாய்.. இளம்பெண் அதிர்ச்சி!
ஒரு பெண் தனது செல்போனில் பாடல் பாடி வீடியா எடுத்த போது, அவரது தாய் மேற்கூரையை பிய்த்துக்கொண்டு விழுந்த சம்பவம் அதிர்ச்சியை ஏற்படுத்தியுள்ளது.
லண்டன்: ஒரு பெண் தனது செல்போனில் டிக் டாக்கில் பாடல் பாடி வீடியா பதிவு செய்து கொண்டிருந்த போது, அவரது தாய் மேற்கூரையை பிய்த்துக்கொண்டு விழுந்த சம்பவம் அதிர்ச்சியை ஏற்படுத்தியுள்ளது.
Recommended Video
இந்தியாவில் டிக் டாக் செயலி தடை செய்யப்பட்டுவிட்டாலும், உலகின் பல நாடுகளில் இன்னமும் அது பயன்பாட்டில் தான் இருக்கிறது. எனவே டிக் டாக் அடிமைகள் பலர் இன்னமும் வீடியோ எடுத்து பதிவிட்டு கொண்டு தான் இருக்கிறார்கள்.
அந்த வகையில் தற்போது வைரலாகியுள்ள ஒரு டிக் டாக் வீடியோவில், லிஸ் ஜான் மிலன் என்ற இளம் பெண் தான் பாடல் பாடுவதை வீடியோவாகப் பதிவு செய்து கொண்டிருந்தார். அப்போது திடீரென அவருக்கு பின்னால் ஒரு பயங்கர சத்தம் கேட்கிறது. திரும்பி பார்க்கும் போது, அவரது தாய் வீட்டின் மேற்கூரையை பிய்த்துக்கொண்டு விழுகிறார்.
ஸ்ஸ்ஸப்பா... ஒரே புழுக்கமா இருக்கே.. பெண் செய்த அந்த பகீர் காரியம்.. விக்கித்து போன மக்கள்!
வைரல் வீடியோ
நல்லவேளையாக அவர் கீழே விழாமல் அந்தரத்தில் தொங்குகிறார். இதைப் பார்த்து பயந்து போன லிசா, ‘ஓ மை காட்' என தன் தாயை நோக்கி ஓடுகிறார். சுமார் 10 விநாடிகள் மட்டுமே ஓடக்கூடிய இந்த வீடியோ சமூகவலைதளங்களில் வைரலாக பரவி வருகிறது.
காலில் எலும்பு முறிவு
இந்த சம்பவம் குறித்து லிசா வெளியிட்டுள்ள பதிவில், ‘தனது தாய் சூட்கேஸ்களை எடுப்பதற்காக அறையின் மேல் பகுதிக்கு சென்றதாகவும், அப்போது இந்த விபத்து நடந்ததாகவும்' குறிப்பிட்டுள்ளார். மேலும் இந்த சம்பவத்தில் அவரது தாய்க்கு காலில் எலும்பு முறிவு ஏற்பட்டதாகவும், அதிர்ஷ்டவசமாக உயிருக்கு ஆபத்து ஏற்படவில்லை' என்றும் தெரிவித்துள்ளார்.
ஷாக் ஆன நெட்டிசன்கள்
இந்த வீடியோவைப் பார்த்து நெட்டிசன்கள் அதிர்ச்சி அடைந்துள்ளனர். வழக்கம் போலவே, ‘2020ல் இது போல் எதுவும் நடக்கலாம்' என்ற ரேஞ்சுக்கு கமெண்ட்டுகளை வெளியிட்டு வருகின்றனர். ஒரு சிலர் ஜாலியாகவும் கமெண்ட் அடித்துள்ளனர்.
வலியை மறந்து சிரிப்பு
லிசா வெளியிட்ட இந்த வீடியோவை 5 மில்லியனுக்கும் மேற்பட்டோர் பார்த்துள்ளனர். சுமார் 1.5 மில்லியனுக்கும் மேற்பட்டோர் லைக் செய்துள்ளனர். அப்போதைக்கு விழுந்த அதிர்ச்சியில் இருந்தாலும், பிறகு வீடியோவிற்கு வரும் கமெண்ட்டுகளைப் பார்த்து ரசித்து, சிரித்து வருகிறாராம் லிசாவின் தாயார்.