• search
லண்டன் அப்டேட்டுகளுக்கு
நோட்டிபிகேஷனை அனுமதி  

இங்கிலாந்தில் இந்தியர்களுக்கு பயண கட்டுப்பாடுகளில் தளர்வு.. இன்று முதல் அமல்.. என்னென்ன தெரியுமா?

Google Oneindia Tamil News

லண்டன்: 2 டோஸ் தடுப்பூசி போட்ட இந்தியர்கள் இங்கிலாந்து வரும்போது ஹோட்டலில் 10 நாள் கட்டாயம் தனிமைப்படுத்திக் கொள்ள வேண்டிய அவசியம் இல்லை என்று இங்கிலாந்து அறிவித்துள்ளது.

இந்தியாவில் சில மாதங்களுக்கு முன்பு கொரோனா இரண்டாவது அலை பாடாய்படுத்தி விட்டது. லட்சக்கணக்கான பாதிப்புகள், ஆயிரக்கணக்கான உயிரிழப்புகள் என்று நாடே கொரோனாவில் மூழ்கி படாதபாடு பட்டது.

பெற்றோரிடம் ஆசிர்வாதம் வாங்க அழைத்து 3 மாத கர்ப்பிணி எரித்து கொலை.. காதல் கணவர் கைது பெற்றோரிடம் ஆசிர்வாதம் வாங்க அழைத்து 3 மாத கர்ப்பிணி எரித்து கொலை.. காதல் கணவர் கைது

இதனால் பல்வேறு நாடுகள் இந்தியாவை சிகப்பு பட்டியலில் வைத்தது. அமெரிக்கா, சீனா, ஜப்பான், ஆஸ்திரேலியா உள்ளிட்ட பல்வேறு நாடுகள் இந்தியாவுக்கும், இந்தியாவில் இருந்தும் விமானங்களை இயக்குவதற்கு தடை விதித்தன.

சிகப்பு பட்டியலில் இருந்த இந்தியா

சிகப்பு பட்டியலில் இருந்த இந்தியா

இந்தியாவில் இருக்கும் தங்கள் நாட்டு பயணிகளையும் பாதுகாப்பாக இருக்கும்படி வலியுறுத்தின. இதேபோல் இங்கிலாந்தும் இந்தியாவை கொரோனா அதிகம் உள்ள நாடு(சிகப்பு பட்டியல்) என்ற பட்டியலில் வைத்திருந்தது. இரு நாடுகளுக்கும் இடையே வந்தே பாரத் திட்டத்தின் கீழ் விமானங்கள் இயக்கப்பட்டு வருகின்றன. இந்த நாள் வரை இந்தியாவில் இருந்து இங்கிலாந்துக்கு சென்றால் ஹோட்டலில் 10 நாள் கட்டாயம் தனிமைப்படுத்திக் கொள்ள வேண்டும்.

ஹோட்டலில் தனிமை கட்டாயம் இல்லை

ஹோட்டலில் தனிமை கட்டாயம் இல்லை

இந்த நிலையில் இந்த கட்டுப்பாடுகளை இங்கிலாந்து அரசு இன்று முதல் தளர்த்தியுள்ளது. அதாவது முழுமையாக 2 டோஸ் தடுப்பூசி போட்ட இந்தியர்கள் இங்கிலாந்து வரும்போது ஹோட்டலில் 10 நாள் கட்டாயம் தனிமைப்படுத்திக் கொள்ள வேண்டிய அவசியம் இல்லை. அதே வேளையில் இந்தியாவில் தடுப்பூசி போட்டு இந்தியாவிலிருந்து வரும் அனைவரும் வீட்டிலோ அல்லது அவர்கள் குறிப்பிட்ட இடத்திலோ தனிமைப்படுத்தப்பட வேண்டும் என்று சுகாதார மற்றும் சமூகப் பாதுகாப்புத் துறை அறிவித்துள்ளது.

கொரோனா பரிசோதனை அவசியம்

கொரோனா பரிசோதனை அவசியம்

இன்று உள்ளுர்நேரப்படி 4 மணி முதல் இந்த தளர்வுகள் அமலுக்கு வந்துள்ளது. இங்கிலாந்து அல்லது ஐரோப்பாவில் தடுப்பூசி போடப்பட்ட பயணிகள் மட்டுமே வீட்டு தனிமைப்படுத்தல் தேவையிலிருந்து விலக்கு பெறுவார்கள் என்றும் அறிவிக்கப்பட்டுள்ளது. இங்கிலாந்துக்கு பயணம் மேற்கொள்வதற்கு முன்பு இந்தியர்கள் கொரோனா பரிசோதனை செய்து கொள்ள வேண்டும்.

லொகேட்டர் படிவம் நிரப்ப வேண்டும்

லொகேட்டர் படிவம் நிரப்ப வேண்டும்

இங்கிலாந்து சென்ற பின்னர் 2 கொரோனா பரிசோதனைகளை செய்து கொள்ள வேண்டும். இதற்கு முன்கூட்டியே பதிவு செய்து கொள்ள வேண்டும். இதேபோல் பயணி இருப்பிடம் அறியும் லொகேட்டர் படிவத்தை நிரப்பி அளிக்க வேண்டும் என்றும் இங்கிலாந்து சுகாதார மற்றும் சமூகப் பாதுகாப்புத் துறை அறிவித்துள்ளது.

English summary
The UK has announced that Indians who are vaccinated with 2 doses will not be required to stay in a hotel for 10 days when they arrive in the UK
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X