ஒரு சைக்கோவை வேலைக்கு வைத்து.. ரூ.2000 சம்பளமும் கொடுத்த பரிதாப பெற்றோர்
7 வயது சிறுவனை டியூஷன் வாத்தியார் பலமாக தாக்கும் வீடியோ வெளியாகி உள்ளது.
லக்னோ: ஒரு சைக்கோவை வேலைக்கும் வைத்து 2000 ரூபாய் சம்பளமும் தந்திருக்கிறார்கள் பெற்றோர்!
உத்திர பிரதேசத்தில் நவ்ரங்காபத் அலிகார் எனும் இடம் உள்ளது. இந்த இடத்தில் வசித்து வருபவர் அமித். இவர் சொந்தமாக ஒரு நிறுவனத்தை நடத்தி வருகிறார்.
இவருக்கு 7 வயதில் மகன் இருக்கிறான். அவனுக்கு பாடம் சொல்லித்தர ஒரு டியூஷன் வாத்தியாரை ஏற்பாடு பண்ணினார் அமித். அந்த வாத்தியார் பெயர் கமல் ஷர்மா.
2000 ரூபாய் சம்பளம்
தன்னுடைய ஆபீசிலேயே ஒரு மணி நேரம் வந்து பையனுக்கு பாடம் நடத்திட்டு போகுமாறு அமித் கேட்டுக் கொண்டார். அதற்காக 2 ஆயிரம் ரூபாய் சம்பளமும் பேசப்பட்டது. இதற்கு ஒத்து கொண்ட அந்த வாத்தியார் மதியானம் 2 மணியில இருந்து 3 மணி வரைக்கும் தினமும் டியூஷன் எடுக்கிறார். இப்படியே ஆறு மாசம் போய்விட்டது.
அமித் அதிர்ச்சி
ஒருநாள் தன்னுடைய நிறுவனம் சம்பந்தமாக அங்கே பொருத்தி வைக்கப்பட்டிருந்த சிசிடிவி கேமராவை எடுத்து ஆராய்ந்தார். ஆபீஸ் சம்பந்தமாக வீடியோவை பார்க்க போன அமித்துக்கு தூக்கி வாரிப்போட்டது. வீடியோவில் தன் மகனை ஆசிரியர் பின்னி எடுத்து கொண்டிருக்கிறார்.
ஷூவால் அடிக்கிறார்
மாணவனை வலுவாக பிடித்துகொண்டு சரமாரியாக அடிக்கிறார், பிறகு அவனது காதை திருகுகிறார், கைவிரல்களை ரொம்ப கொடூரமாக கொடுமைப்படுத்துகிறார், தலைமுடியை வலிக்கும்படி பிடித்து இழுக்கிறார், பிறகு ஷூவை கழட்டி சரிமாரியாக தாக்குகிறார். பையனை இழுத்து பிடித்து பற்களால் நறநறவென கடிக்கிறார்.
மிஷின் சத்தம்
தன் கம்பெனியில் வைத்தே தன் மகனை அடித்து கொடுமைப்படுத்தியிருப்பதை பார்த்து அமித் கண்கலங்கியும் ஷாக் ஆகியும் நின்றார். வாத்தியார் அடிக்கும் நேரங்களில் அமித் உட்பட ஏராளமானோர் அந்த கம்பெனியில்தான் இருந்திருக்கிறார்கள். ஆனால் அங்கிருந்த மிஷின்கள் சத்தத்தால் வாத்தியாரின் இந்த வேலை வெளியே தெரியவே இல்லை.
போலீசில் புகார்
7 வயது பையனும், வாத்தியார் என்றால் இப்படித்தான் இருப்பார்கள் என்றும், வீட்டில் போய் இதை சொன்னால் மறுநாள் வாத்தியார் திரும்பவும் வேலையை பலமாக காட்டுவார் என்று நினைத்தும் பயந்து கொண்டு சொல்லவே இல்லை. இதையடுத்து அமித் உடனடியாக போலீசாருக்கு தகவல் அளித்தார்.
வயிறு எரிகிறது
விரைந்து வந்த போலீசார் வாத்தியார் கமல் மீது சட்டப்பிரிவு 307 -ன் படி கொலை முயற்சி பதிவு செய்து கைது செய்தனர். இப்படி 2 ஆயிரம் ரூபாயும் சம்பளம் வாங்கிக்கொண்டு, 7 வயது சிறுவனை கமல் அடிக்கும் மிக கொடூரமான துன்புறுத்தல் காட்சிகள் இணையத்தில் வைரலாகி வருவதுடன், அனைவரையும் வயிறு எரிய செய்ய வைத்து வருகிறது.