India
  • search
லக்னோ அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

உத்தரப் பிரதேசத்தில் நிறைவடைந்த 2ஆம் கட்ட தேர்தல்! அமைதியான முறையில் நடந்து முடிந்தது

Google Oneindia Tamil News

லக்னோ: உத்தரப்பிரதேசத்தில் 55 தொகுதிகளுக்கு இன்று நடைபெற்ற 2ஆம் கட்ட வாக்குப்பதிவு, அமைதியான முறையில் நடந்து முடிந்தது

உத்தரப்பிரதேசத்தில் மொத்தம் 403 சட்டசபை தொகுதிகள் உள்ளன. அதிக சட்டசபை தொகுதிகளை கொண்ட மாநிலம் உ.பி.தான். கடந்த 2017ஆம் ஆண்டு இந்த 55 தொகுதிகளில் பாஜக 38 இடங்களிலும் சமாஜ்வாதி 13 இடங்களிலும் காங்கிரஸ் மற்றும் பகுஜன் சமாஜ் தலா இரு இடங்களிலும் வென்றது.

UP assembly election 2022: Second Phase of polling today at 55 seats

இந்த நிலையில் தற்போதைய சட்டசபையின் பதவிக்காலம் மார்ச் மாதம் முடிவடைகிறது. இதனால் பிப்ரவரி 10 ஆம் தேதி முதல் மார்ச் 7ஆம் தேதி வரை 7 கட்டங்களாக தேர்தல் நடைபெறுகிறது என தேர்தல் ஆணையம் அறிவித்திருந்தது.

இந்த நிலையில் முதற்கட்டமாக கடந்த 10ஆம் தேதி 58 தொகுதிகளுக்கு தேர்தல் நடத்தப்பட்டது. இதில் ஜாட் சமூகத்தினர் அதிகம் வசிக்கும் பகுதிகள் இந்த 58 தொகுதிகளில் அடங்கும். முதற்கட்ட தேர்தலில் 58 சதவீத வாக்குகள் பதிவாகியிருந்தன.

இந்த நிலையில் இன்றைய தினம் 2ஆம் கட்ட வாக்குப் பதிவு காலை 7 மணிக்கு தொடங்கியது. இதில் சஹாரன்பூர், பிஜ்னோர், மொரதாபாத், சம்பல், ராம்பூர், அம்ரோஹா, பாடான், பரேலி, ஷாஜஹான்பூர் ஆகிய 9 மாவட்டங்களைச் சேர்ந்த 55 தொகுதிகள் உள்ளன. இதில் தனித்தொகுதிகள் 9.

உத்தரப் பிரதேசத்தில் முதற்கட்ட தேர்தல் நிறைவு.. மொத்தம் 60% வாக்குகள் பதிவு!உத்தரப் பிரதேசத்தில் முதற்கட்ட தேர்தல் நிறைவு.. மொத்தம் 60% வாக்குகள் பதிவு!

இந்த 586 வேட்பாளர்களில் 5 பேர் அமைச்சர்கள். இதில் ஷாஜஹான்பூரில் பாஜக சார்பில் தற்போது அமைச்சராக உள்ள சுரேஷ்குமார் கன்னா போட்டியிடுகிறார். அது போல் சந்தாசியில் அமைச்சர் குலாப் தேவி போட்டியிடுகிறார். அது போல் பாடானில் அமைச்சர் மகேஷ் சந்திர குப்தாவும், பஹேரியில் அமைச்சர் சத்ரபால் காங்வாரும் போட்டியிடுகிறார்கள்.

இத்தேர்தலில் மொத்தம் 2,01,42,441 பேர் வாக்காளர்கள். இவர்களில் 1,07,61,476 பேர் ஆண் வாக்காளர்கள். 93,79,704 பேர் பெண் வாக்காளர்கள். 1,261 பேர் மூன்றாம் பாலினத்தவர். பாஜக தலைமையில் ஜாதிய கட்சிகளும் சமாஜ்வாதியுடன், லோக்தளம் கூட்டணி அமைத்தும் தேர்தலை சந்திக்கிறது. பகுஜன் சமாஜ் கட்சி, காங்கிரஸ் ஆகியவை தனித்து களம் காண்கிறது. இந்த முறை ஓவைசியின் கட்சியும் போட்டியிடுகிறது.

    Uttarakhand, Goa சட்டசபைகளுக்கு இன்று ஒரே கட்டமாக தேர்தல் | Oneindia Tamil

    9 மணி நிலவரப்படி உத்தரப்பிரதேச சட்டசபைக்கான இரண்டாம் கட்ட தேர்தலில் 9.45 சதவீத வாக்குகள் பதிவாகியுள்ளன.

    11 மணி நிலவரப்படி உத்தரப்பிரதேச சட்டசபைக்கான இரண்டாம் கட்ட தேர்தலில் 23% வாக்குகள் பதிவாகியுள்ளன.

    பிற்பகல் 1 மணி நிலவரப்படி உத்தரப்பிரதேச சட்டசபைக்கான இரண்டாம் கட்ட தேர்தலில் 39.07 சதவீத வாக்குகள் பதிவாகியுள்ளன.

    பிற்பகல் 3 மணி நிலவரப்படி உத்தரப்பிரதேச சட்டசபைக்கான இரண்டாம் கட்ட தேர்தலில் 51.93 சதவீத வாக்குகள் பதிவாகியுள்ளன.

    English summary
    UP assembly election 2022: Second phase of voting starts today for 55 assembly seats in 9 districts.
     
     
     
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X