India
  • search
லக்னோ அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

”என் அப்பா ஜாவித்தை சிறையில் காணவில்லை?” புல்டோசரிடம் வீட்டை இழந்து தந்தையை தேடும் மாணவி ஆஃப்ரீன்

Google Oneindia Tamil News

லக்னோ: நபிகள் நாயகம் குறித்த பாஜக செய்தித் தொடர்பாளரின் கருத்துக்கு எதிராக உத்தரப்பிரதேச மாநிலத்தில் போராட்டத்தில் ஈடுபட்டதற்காக கைது செய்யப்பட்ட தனது தந்தை ஜாவித் முஹம்மது எந்த சிறையில் இருக்கிறார் என அதிகாரிகள் கூற மறுப்பதாக மாணவி ஆஃப்ரீன் ஃபாத்திமா தெரிவித்து இருக்கிறார்.

சர்ச்சைக்குரிய பேச்சுக்களால் புகழ்பெற்ற பாஜக செய்தித் தொடர்பாளர் நுபுர் சர்மா, அண்மையில் தொலைக்காட்சி ஒன்றில் நடைபெற்ற விவாத நிகழ்ச்சியில் கலந்துகொண்டார்.

பெங்களூர் மேம்பாட்டு ஆணைய தோட்டக்காரருக்கு சொந்தமாக 4 வீடு, குவியலாக நகைகள்! வாயை பிளந்த அதிகாரிகள்பெங்களூர் மேம்பாட்டு ஆணைய தோட்டக்காரருக்கு சொந்தமாக 4 வீடு, குவியலாக நகைகள்! வாயை பிளந்த அதிகாரிகள்

அதில் பேசிய நுபுர் ஷர்மா இறைத்தூதரான நபிகள் நாயகம் குறித்து அவதூறாக பேசினார். அதேபோல் அக்கட்சியின் நவீன் குமார் ஜிண்டாலும் முஹம்மது நபி குறித்து ட்விட்டரில் அவதூறாக கருத்திட்டார்.

வழக்குப்பதிவு

வழக்குப்பதிவு

நுபுர் ஷர்மாவின் இந்த கருத்து நாடு முழுவதும் பெரும் சர்ச்சைக்கு உள்ளானது. மும்பையில் நுபுர் ஷர்மா மீது 2 வழக்குகள் பதிவு செய்யப்பட்டு உள்ளன. இது தொடர்பாக அவருக்கு சம்மன் அனுப்பி விசாரணை நடத்தவும் மும்பை போலீஸ் திட்டமிட்டு இருக்கிறது. இதேபோல் டெல்லி போலீசும் நுபுர் சர்மா மீது வழக்குப்பதிவு செய்து இருக்கிறது.

இஸ்லாமிய நாடுகள் எதிர்ப்பு

இஸ்லாமிய நாடுகள் எதிர்ப்பு

இந்த நிலையில் நுபுர் ஷர்மாவின் சர்ச்சைக்குறிய பேச்சு அரபு நாடுகளிலும் சமூக வலைதளங்களில் வேகமாக பரவி கொந்தளிப்பை ஏற்படுத்தியது. சவூதி அரேபியா, ஈரான் அமீரகம், குவைத், கத்தார், ஓமன் உள்ளிட்ட 15க்கும் மேற்பட்ட நாடுகள், இஸ்லாமிய ஒத்துழைப்பு கூட்டமைப்பு ஆகிய இந்தியாவில் நடக்கும் இஸ்லாமியர்களுக்கு எதிரான வன்முறைகள் குறித்தும், பாஜக பிரமுகரின் பேச்சுக்கும் கடும் கண்டனங்களை தெரிவித்து இருந்தனர். அரபு நாட்டு மக்கள் ட்விட்டரில் #Boycott India என்ற ஹேஷ்டேக்கை டிரெண்ட் செய்து வந்தது குறிப்பிடத்தக்கது.

கான்பூர் கலவரம்

கான்பூர் கலவரம்

இந்த நிலையில் உத்தரப்பிரதேச மாநிலம் கான்பூரில் கடந்த வாரம் நுபுர் ஷர்மாவின் பேச்சை கண்டித்து நடைபெற்ற போராட்டத்தில் கலவரம் வெடித்தது. இதில் பலர் படுகாயமடைந்துள்ளனர். பலர் கைது செய்யப்பட்டு இருக்கின்றனர். ஆயிரக்கணக்கானோர் மீது வழக்குப்பதிவு செய்யப்பட்டது. கலவரத்தில் ஈடுபட்டவர்களின் வீடுகள் புல்டோசரில் இடிக்கப்படும் என காவல்துறை எச்சரித்து இருந்தது.

போராட்டம்

போராட்டம்

நபிகள் நாயகம் குறித்து அவதூறாக பேசிய நுபுர் ஷர்மா இன்னும் கைது செய்யப்படாத நிலையில், நாடு முழுவதும் அவரை கைது செய்ய வலியுறுத்தி வெள்ளிக்கிழமை இஸ்லாமியர்கள் போராட்டத்தில் ஈடுபட்டனர். உத்தரப்பிரதேசத்தின் பல்வேறு மாவட்டங்களிலும் போராட்டங்கள் வெடித்தன. சில இடங்களில் போராட்டத்தில் ஈடுபட்டவர்கள் மீது காவல் துறை தடியடி நடத்தியதால் பதற்றம் ஏற்பட்டது.

    Yogi அரசின் நடவடிக்கையால் Islamic நாடுகளை திரும்பி பார்க்க வைத்த Afrin Fathima *India
    வீடுகள் இடிப்பு

    வீடுகள் இடிப்பு

    இந்த நிலையில், முதலமைச்சர் யோகி ஆதித்யநாத்தின் ஊடக ஆலோசகர் ரிதியுங்ஜய் குமார் தனது ட்விட்டர் கணக்கில், புல்டோசரை கொண்டு வீடுகளை இடிக்கும் படத்தை பகிர்ந்து, ஒவ்வொரு வெள்ளிக்கிழமைக்கும் அடுத்தநாள் சனிக்கிழமை வரும் என எச்சரித்து இருந்தார். இந்த நிலையில் சஹாரன்பூரில் போராட்டத்தில் ஈடுபட்ட 64 பேரை கைது செய்த போலீசார், முஜம்மில் மற்றும் அப்துல் வகீர் ஆகியோரின் வீட்டு சென்று புல்டோசரை கொண்டு இடித்தனர்.

    ஆஃப்ரின் பாத்திமா

    ஆஃப்ரின் பாத்திமா

    அதேபோல் டெல்லி ஜவஹர்லால் நேரு பல்கலைக்கழக மாணவர் சங்க பிரதிநிதியும், மாணவர் செயற்பாட்டாளருமான ஆஃப்ரின் பாத்திமாவின் வீட்டையும் உத்தரப்பிரதேச அரசு இடித்து தள்ளியது. அத்துடன் வன்முறைக்கு காரணமானவர்கள் என்று கூறி ஆஃப்ரின் பாத்திமாவின் தந்தை ஜாவித் முஹம்மதுவை உத்தரப்பிரதேச காவல்துறை கைது செய்திருப்பது பெரும் கொந்தளிப்பை ஏற்படுத்தியது. ஆஃப்ரின் பாத்திமாவுக்கு ஆதரவாக #StandWithAfreenFathima என்ற ஹேஷ்டேக்கையும் ட்விட்டரில் டிரெண்ட் செய்யப்பட்டது.

    தந்தையை காணவில்லை

    தந்தையை காணவில்லை

    இந்த நிலையில் இன்று ட்விட்டரில் தனது தாய் பர்வீன் ஃபாத்திமா எழுதிய கடிதத்தை பகிர்ந்துள்ள மாணவி ஆஃப்ரீன் பாத்திமா, "எனது தந்தை ஜாவித் முஹம்மது சிறையில் இருப்பதை உறுதிபடுத்த சிறைத்துறை அதிகாரிகள் மறுக்கின்றனர். கைது செய்யப்பட்டவுடன் நைனி மத்திய சிறையில் அவர் அடைக்கப்பட்டார். அவரது உடல்நலம் மற்றும் பாதுகாப்பு குறித்து நாங்கள் கவலைப்படுகிறோம்." என்று குறிப்பிட்டு இருக்கிறார்.

    English summary
    Where is my father Javed Muhammad - Students activist Afreen fathima questions:
     
     
     
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X