எதிர்காலத்தில் எழுந்து வருவீர்கள்.. மு.க அழகிரிக்கு வாழ்த்து சொன்ன ரஜினிகாந்த்!
மதுரை: திமுகவின் முன்னாள் மத்திய அமைச்சர் மு.க அழகிரிக்கு நடிகர் ரஜினிகாந்த் பிறந்த நாள் வாழ்த்து தெரிவித்துள்ளார்.
இன்று திமுகவின் முன்னாள் மத்திய அமைச்சர் மு.க அழகிரி தனது 68வது பிறந்த நாளை கொண்டாடினார். இவருக்கு பல்வேறு அரசியல் தலைவர்கள், நண்பர்கள் வாழ்த்து தெரிவித்து இருந்தனர்.
எப்போதும் சிறப்பாக கொண்டாடப்படும் இவரின் பிறந்த நாள்விழா இந்த முறை பெரிய அளவில் கொண்டாடப்படவில்லை. மதுரையிலும் பெரிய அளவில் இதற்காக ஏற்பாடுகள் செய்யப்படாமல் எளிமையாக கொண்டாடப்பட்டது.
இந்த நிலையில் மு.க அழகிரிக்கு நடிகர் ரஜினிகாந்த் பிறந்த நாள் வாழ்த்து தெரிவித்து இருக்கிறார். போன் மூலம் தொடர்பு கொண்டு ரஜினிகாந்த் பிறந்த நாள் வாழ்த்து தெரிவித்துள்ளார். இதுகுறித்த விவரங்கள் தற்போது வெளியாகி உள்ளது.
ரஜினிகாந்த் தனது வாழ்த்தில், உங்களுக்கு இனிய பிறந்த நாள் வாழ்த்துகள். உங்கள் அரசியல் திட்டங்கள் நிறைவேற வாழ்த்துகள்.
அரசியல் காலண்டரில் கடைசி பக்கம் என்பது யாருக்கும் இல்லை. உங்களுக்கும் ஒரு காலம் வரும். எதிர்காலத்தில் எழுந்து வருவீர்கள், என்று கூறி இருக்கிறார்.
ரஜினியின் இந்த வாழ்த்து இணையத்தில் பெரிய வைரல் ஆகி இருக்கிறது. ரஜினியும் அழகிரியும் நெருங்கிய நண்பர்கள் என்பது குறிப்பிடத்தக்கது.