சினிமாவில் வேணா ரஜினி.. ஆனா நிஜத்தில் நான்தான் மலை.. அண்ணாமலை.. எச் ராஜா அலப்பறை!
Recommended Video
மதுரை: சினிமாவில் ரஜினி அண்ணாமலையாக இருக்கலாம். ஆனால் நிஜத்தில் நான்தான் அண்ணாமலை என எச் ராஜா தெரிவித்துள்ளார்.
ஆடிப்பெருக்கையொட்டி அகில பாரதிய சன்னியாசிகள் சங்கம் முதல்முறையாக வைகைப் பெருவிழா 2019 என்ற மாநாட்டை மதுரையில் கடந்த சில நாட்களுக்கு முன்னர் தொடங்கியது. மதுரை புட்டுத்தோப்பு மைதானத்தில் நடைபெற்று வரும் இந்த மாநாடு 12 நாட்களுக்கு நடைபெறுகிறது.
இந்த மாநாட்டில் ஒவ்வொரு நாளும் துறவிகள் மாநாடு, பெண்கள் மாநாடு, வைஷ்ணவ மாநாடு, ஐயப்பப் பக்தர்கள் மாநாடு, பூசாரிகள் மாநாடு, சிவனடியார்கள் மாநாடு, பசு பாதுகாப்பு மாநாடு, முத்தமிழ் மாநாடு, இளைஞர்கள் மாநாடு, நதிநீர்ப் பாதுகாப்பு மாநாடு, விவசாயிகள் மாநாடு, சன்மார்க்கர்கள் மாநாடு, சித்தர்கள் மாநாடு ஆகியன நடைபெற்று வருகின்றன.
ப.சிதம்பரம் முன் ஜாமீன் வழக்கு- ஆக.1 விசாரணையை ஒத்திவைக்க அமலாக்கப் பிரிவு வலியுறுத்தல்
மாநாடு
அந்தவகையில் இன்றைய தினம் பசு பாதுகாப்பு மாநாடு நடைபெற்றது. இந்த விழாவில் பாஜக தேசிய செயலாளர் எச் ராஜா கலந்து கொண்டார். அவர் கூறுகையில் மதுரையில் பசு பாதுகாப்பு மாநாடு நடைபெறுவதை ஒரு சிலருக்கு பிரச்சினையாக நினைக்கின்றனர்.
நிஜத்தில் நான்தான்
சினிமாவில் வேண்டுமானால் ரஜினி அண்ணாமலையாக இருக்கலாம். ஆனால் நிஜத்தில் நான்தான் அண்ணாமலை. மாட்டுத் தொழுவத்தில்தான் பிறந்தேன்.
மற்ற விலங்குகள்
பால் விற்று கிடைத்த பணத்தில் வளர்ந்து படித்தேன். பசுவின் உடலினுள் 13000 தெய்வங்கள் உள்ளன. எனவே பசுவும் மற்ற விலங்குகளும் ஒன்றல்ல.
ரஜினி ரசிகர்கள்
இடதுசாரி, தமிழ்த் தேசியம் என மக்களின் மூளை குப்பைத் தொட்டியாக மாற்றப்படுவதை தடுக்க வேண்டும் என எச் ராஜா தெரிவித்தார். எப்போதும் எதையாவது டுவிட்டரில் போட்டும், கூட்டத்தில் பேசியும் மாட்டிக் கொள்வதே எச் ராஜாவுக்கு வாடிக்கையாகிவிட்டது. ரஜினி ரசிகர்களிடம் எப்படி வறுப்பட போகிறாரோ.