வெளியானது மதுரை மாவட்ட வாக்காளர் பட்டியல்: 67,435 புதிய வாக்காளர்கள் சேர்ப்பு
Recommended Video
மதுரை: மதுரை மாவட்ட ஆட்சியர் அலுவலகத்தில் இறுதி வாக்காளர் பட்டியலை வெளியிட்டார் மாவட்ட ஆட்சியர் நடராஜன், மாவட்ட ஆட்சியர் வெளியிட்ட இறுதி வாக்காளர் பட்டியலை அங்கீகரிக்கப்பட்ட அரசியல் கட்சி பிரதிநிதிகள் பெற்றுக் கொண்டனர்,
பின்னர் செய்தியாளர்களை சந்தித்த கலெக்டர் நடராஜன் கூறுகையில், மதுரை மாவட்டத்தில் உள்ள 10 சட்டமன்ற தொகுதிகளில் 25 லட்சத்து 66 ஆயிரத்து 319 வாக்காளர்கள் உள்ளனர்,
12 லட்சத்து 68 ஆயிரத்து 332 ஆண் வாக்காளர்களும், 12 லட்சத்து 97 ஆயிரத்து 864 பெண் வாக்காளர்களும், 123 திருநங்கை வாக்காளர்கள் என உள்ளனர். ஆண் வாக்காளர்களை விட பெண் வாக்காளர்கள் 29 ஆயிரத்து 532 பேர் அதிகம் உள்ளனர்.
வாக்காளர் அடையாள அட்டை குறித்த விபரங்களை தெரிந்து கொள்ள 1950 என்கிற இலவச தொலைபேசி எண்ணை அழைக்கலாம், 01.09.2018 பிறகு 67,435 புதிய வாக்காளர் சேர்க்கப்பட்டு உள்ளனர், 17,730 வாக்காளர் நீக்கப்பட்டு உள்ளனர்.
மதுரை நாடாளுமன்ற தொகுதிக்கு உட்பட 6 சட்டமன்ற தொகுதிகளில் 15 லட்சத்து 20 ஆயிரத்து 728 வாக்காளர்கள் உள்ளனர் என கூறினார்.
தமிழகம் முழுவதும் இன்று இறுதி வாக்காளர் பட்டியல் வெளியிடப்பட்டுள்ளது என்பது குறிப்பிடத்தக்கது.