கொத்து, வீச்சு புரோட்டான்னு பார்த்திருப்பீங்க.. மாஸ்க் புரோட்டாவை பார்த்திருக்கீங்க? அசத்தும் மதுரை
மதுரை: கொரோனாவில் இருந்து பாதுகாக்க முக கவசம் அணிய வேண்டும் என்பதை வலியுறுத்தும் வகையில் மதுரை ஹோட்டல் ஒன்றில் மாஸ்க் புரோட்டா அறிமுகப்படுத்தப்பட்டுள்ளது.
Recommended Video
புரோட்டாக்களின் தாயகமாக தென் தமிழகம் திகழ்கிறது. குறிப்பாக மதுரை, திண்டுக்கல், விருதுநகர் மாவட்டங்களின் புரோட்டாக்கள் ரொம்பவே பேமஸ்.
மிகமோசமான உச்சம் - யு.எஸ்-ல் ஒரே நாளில் 55,251 பேருக்கு கொரோனா! தென்னாப்பிரிக்காவில் விஸ்வரூபம்
எத்தனை எத்தனை புரோட்டாக்கள்
அதிலும் வெறும் புரோட்டா என்று போடாமல் எத்தனை வெரைட்டியை தயாரித்து அத்தனை வெரைட்டியாக தருகிறார்கள்.. கொத்து புரோட்டா, வீச்சு புரோட்டா, செட் புரோட்டா, முட்டை வீச்சு புரோட்டா, சிலோன் புரோட்டா , பன் புரோட்டா, மொறுமொறு புரோட்டா என ஏகப்பட்ட ஐயிட்டங்களை தென்மாவட்ட மக்கள் இறக்கி வைத்திருக்கின்றனர்.
தென் தமிழக புரோட்டா
தென் தமிழகத்தில் புரோட்டாவுக்கு சால்னாதான் நல்ல காம்பினேசன். வட தமிழகத்திலும் பரோட்டாவும் கிடைக்கிறது என்கிற வகையில்தான்.. வாழ்க்கையைப் போலவே அனுபவிக்காமல் மைதா மாவை பிசைந்தோமா, போட்டோமா என தயாரிக்கப்படுகிறவை வடமாவட்ட புரோட்டாக்கள்.
வித்தியாசமான மதுரை
தென் தமிழகத்தில் தூங்கா நகரமான மதுரை மாநகரத்தின் ஈவினிங் புரோட்டா ஸ்டால்கள் இன்றளவும் கொடி கட்டிப் பறக்கின்றன. மதுரையில் போஸ்டர்கள், சுவரெழுத்துகள் முதல் கட் அவுட்டுகள் வரை விதம் விதம்தான்.. இன்னும் சொல்லப் போனால் தமிழகத்துக்கே வழிகாட்டியாகவும் மிரள வைக்கவும் கூடிய வாசகங்களை அள்ளித் தருவார்கள் மதுரை மக்கள்.
மதுரை மாஸ்க் புரோட்டா
இப்போது கொரோனா காலத்திலும் தங்களது முத்திரையை பதித்திருக்கின்றனர் மதுரை மக்கள். மதுரையில் ஹோட்டல் ஒன்றில் மாஸ்க் புரோட்டாவை அறிமுகப்படுத்தி இருக்கின்றனர். கொரோனாவில் இருந்து பாதுகாக்க மாஸ்க் கட்டாயம் அணிய வேண்டும் என்பதை வலியுறுத்தும் பிரசாரமாகவும் இந்த மாஸ்க் புரோட்டாவை மதுரை மண் இனிதே அறிமுகப்படுத்தியிருக்கிறது.