• search
மதுரை அப்டேட்டுகளுக்கு
நோட்டிபிகேஷனை அனுமதி  

தமிழகத்தை ஆளும் உரிமை அதிமுகவுக்கு மட்டுமே உண்டு.. ஓபிஎஸ் அதிரடி

|
    தமிழகத்தை ஆளும் உரிமை அதிமுகவுக்கு மட்டுமே உண்டு.. ஓபிஎஸ் அதிரடி

    மதுரை: தமிழகத்தை ஆளும் உரிமை அதிமுகவுக்கு மட்டுமே உள்ளது என துணை முதல்வர் ஓ.பன்னீர் செல்வம் தெரிவித்துள்ளார்.

    மதுரை அண்ணா நகரில் உள்ள பாங்க் ஆப் இந்தியா வங்கி பொறுப்பில் இருந்த முத்துராமலிங்க தேவரின் தங்க கவசத்தை தமிழக துணை முதலமைச்சர் ஒ.பன்னீர்செல்வம் மற்றும் முத்துராமலிங்க தேவர் நினைவிட பொறுப்பாளர் காந்தி மீனாள் ஆகியோர் கையெழுத்திட்டு வங்கியில் இருந்து பசும்பொன்னுக்கு துப்பாக்கி ஏந்திய காவல்துறை பாதுகாப்புடன் அனுப்பி வைத்தார்கள்.

    ops asserts that aiadmk alone can rule the state

    பசும்பொன்னில் முத்துராமலிங்க தேவரின் 112 வது ஜெயந்தி விழாவும் 57 வது குருபூஜையும் வரும் 27 ஆம் தேதி முதல் 30 ஆம் தேதி நடைபெறுகின்றது. முத்துராமலிங்க தேவர் நினைவிடத்தில் உள்ள அவரது சிலைக்கு அதிமுக சார்பில் முன்னாள் முதலமைச்சர் ஜெயலலிதா அதிமுக சார்பில் 4 கோடியே 50 இலட்சம் மதிப்பில் 13 கிலோ எடையுள்ள தங்க கவசம் மற்றும் கிரீடம் 2014 ஆம் ஆண்டு வழங்கப்பட்டது குறிப்பிடத்தக்கது.

    ஒவ்வொரு ஆண்டும் குரு பூஜை நாட்களை தவிர பிற நாட்களில் வங்கி பொறுப்பில் தங்க கவசம் லாக்கரில் வைக்கப்படும் என்பது குறிப்பிடத்தக்கது. முன்னதாக புதுப்பிக்கப்பட்ட வங்கி கிளையை தமிழக துணை முதலமைச்சர் ஒ.பன்னீர்செல்வம் திறந்து வைத்தார்.

    நிகழ்வில் அமைச்சர்கள், மதுரை ஆட்சியர், சட்டமன்ற உறுப்பினர்கள் ஆகியோர் பங்கேற்றனர். பின்னர் ஒ.பன்னீர்செல்வம் செய்தியாளர்களை சந்தித்து பேசினார். அப்போது கூறுகையில், அதிமுக மக்களின் நம்பிக்கையை பெற்றதே 2 தொகுதிகளில் வெற்றி பெற முக்கிக் காரணம். தமிழக அரசின் சாதனைகளை அடிப்படையாக கொண்டு மக்கள் எங்கள் பக்கம் தான் இருக்கிறார்கள் என்பதற்கு இந்த வெற்றி உதாரணம்.

    வேலூர் நாடாளுமன்ற தேர்தலில் அதிமுக - திமுக சம அளவில் வாக்குகளை பெற்றுள்ளது. இதில் இருந்து தமிழகத்தை ஆளும் உரிமை அதிமுகவுக்கு மட்டுமே உள்ளது என நிரூபணம் ஆகியுள்ளது.

    மகாராஷ்டிரா, ஹரியானா ஆகிய 2 மாநிலங்களில் பாஜக மீண்டும் ஆளும் உரிமையை மக்களிடம் இருந்து பெற்றுள்ளது. நவம்பர் 30 ஆம் தேதிக்குள் தமிழகத்தில் உள்ளாட்சி தேர்தல் நடத்தி முடிக்கப்படும் என்றார் அவர்.

     
     
     
    English summary
    Deputy CM O Panneerselvam has asserted that AIADMK only can rule the state and people have confirmed this thorugh the By eledtion resutls.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
    X