கவனிச்சீங்களா... அதிமுகவை.. அங்கு ஒரு முடிவு.. இங்க ஒரு முடிவு.. டிடிவி தினகரன் பரபரப்பு பேட்டி

மதுரை: முத்தலாக் மசோதாவில் அதிமுக லோக்சபாவில் ஒரு நிலைபாடும், ராஜ்யசபாவில் ஒரு நிலைபாடும் எடுத்து இருப்பது அதிமுகவில் இரட்டை நிலைப்பாடை காட்டுகிறது என அமமுக பொது செயலாளர் டி.டி.வி தினகரன் தெரிவித்துள்ளார்.

மதுரையில் அமமுக பொது செயலாளர் டி.டி.வி தினகரன் நேற்று செய்தியாளர்களை சந்தித்து பேசினார். அப்போது தமிழகத்தில் சிறுபான்மையினருக்கு பாதுகாப்பு உள்ளதா, இல்லையா என்பதை சிறுபான்மையினர் தான் சொல்ல வேண்டும் என்று தெரிவித்தார்.

மத்திய அரசு சார்பில் தமிழக அரசின் பல்வேறு துறைகளுக்கு அனுப்பபடும் நிதிகள் திருப்பி அனுப்பி வைக்கப்படுவது தமிழக அரசின் கையாளாகாத தனத்தை காட்டுவதாக விமர்சித்தார்.

சிலை கடத்தல் தொடர்பாக அமைச்சர்களுக்கு தொடர்பு உள்ளதா என்பதை பொறுத்து இருந்து பார்க்க வேண்டும் என்று தினகரன் கூறினார். வேலூர் தேர்தலில் அதிமுகவுக்கு மக்கள் பாடம் புகட்டுவார்கள் என்றும் டிடிவி தினகரன் விமர்சனம் செய்தார்.

முத்தலாக் மசோதாவில் அதிமுக லோக்சபாவில் ஒரு நிலைபாடும், ராஜ்யசபாவில் ஒரு நிலைபாடும் எடுத்து இருப்பது அதிமுகவில் இரட்டை நிலைப்பாடை காட்டுவதாகவும் டிடிவி தினகரன் குற்றம்சாட்டினார்.

English summary

aiadmk general secretary ttv dinakaran has accused aiadmk double stand triple talaq bill, they support lok sabha and opposes rajya sabha