பெரிய சைஸ் காவி நிற நாய் பொம்மை பக்கத்தில் ட்விங்கிள் கன்னா தியானம்.. மோடியை கிண்டல் செய்து ட்வீட்
மோடியின் குகை தியானத்தை நடிகை ட்விங்கிள் கன்னா கிண்டல் செய்து ட்வீட் போட்டுள்ளார்.
மும்பை: "ஆன்மிகப் புகைப்படங்களை பார்த்த பிறகு, பயிலரங்கு ஒன்றை ஆரம்பிக்கிறேன். எல்லோரும் அதில் கலந்து கொள்ளுங்கள். அதன் பெயர் 'தியான போட்டோகிராபி - போஸ்களும் கோணங்களும்' என்று பிரபல நடிகை ட்விங்கிள் கன்னா பிரதமர் மோடியின் குகை தியானத்தை கிண்டலடித்து ட்வீட் போட்டுள்ளார்.
கடந்த ஞாயிற்றுக்கிழமை இறுதிக்கட்ட தேர்தல் நடந்து முடிந்தது. ஆனால் சனிக்கிழமை கேதார்நாத் ஆலயத்தில் பிரதமர் மோடி வழிபாடு நடத்தினார்.
பின்னர் குகைக்குள் சென்று விடிய விடிய தியானம் செய்தார். தியானம் செய்வது தொடர்பான புகைப்படங்களும் செய்திகளும் இணையத்தில் வைரலாகின.
ஈவிஎம் மோசடி... தேர்தல் ஆணையத்துக்கு பொறுப்பு இருக்கு.. பிரணாப் முகர்ஜி பரபரப்பு அறிக்கை
தங்கும் அறை
குகைக்குள் பிரதமர் செல்லும்போதும் கேமரா, கட்டாந்தரையில் தியானம் செய்யாமல், பஞ்சு மெத்தை மேல் உட்கார்ந்து தியானம் செய்கிறார். அது குகையே இல்லை. குகை போல வடிவமைக்கப்பட்ட தங்கும் அறை போல உள்ளதாக பல்வேறு தரப்பிலிருந்து விமர்சனங்கள் சற்று நேரத்திற்கெல்லாம் வெளியாக ஆரம்பித்தன.
வாடகை உண்டு
மேலும், "உல்லாச தங்கும் அறைகளில் என்னென்ன வசதிகள் உண்டோ, அவை அத்தனையும் அந்த குகை போன்ற அறையில் உண்டு. ஒரு நாள் வாடகை ரூ.990 லிருந்து ரூ. 3000 வரை நிர்ணயிக்கப்பட்டுள்ளது" என்று சம்பந்தப்பட்ட குகையின் உரிமையாளர் ஊடகங்களிடமே தெரிவித்திருந்தார்.
ட்ரெண்ட்
இதையடுத்து, சமூக ஊடகங்களில் பிரதமர் என்றும் பார்க்காமல், நெட்டிசன்கள், மோடியின் தியானத்தை கிண்டல் அடித்து வருகின்றனர். 3 நாள் ஆகியும், மோடியின் இந்த குகை தியானம், ட்ரெண்டிலேயே இருந்து வருகிறது.
போட்டோ வைரல்
இந்நிலையில், மோடியின் தியானத்தை பாலிவுட் நடிகை ட்விங்கிள் கன்னா கிண்டல் அடித்துள்ளார். இது சம்பந்தமாக தனது ட்விட்டர் பக்கத்தில் "கடந்த சில நாட்களாக நிறைய ஆன்மீக போட்டோக்களை பார்த்துவிட்டோம். இப்போது நானும் தியானம் செய்வது போட்டோ எடுப்பது எப்படி, போஸ் கொடுப்பது எப்படி என்பது பற்றி பயிலரங்கு நடத்தப்போகிறேன். எல்லோரும் அதில் கலந்துகொள்ளுங்கள். திருமணத்தில் போட்டோ எடுக்கும் தொழிலுக்கு அடுத்து இதுதான் பெரிய தொழிலாக இருக்கும் என நினைக்கிறேன். அதன் பெயர் 'தியான போட்டோகிராபி - போஸ்களும் கோணங்களும்" என பதிவிட்டுள்ளார்.
|
நாய் பொம்மை
அத்துடன் சிரித்து கொண்டே தியானம் செய்வது போல ஒரு போட்டோவும் பதிவிட்டுள்ளார். ஒரு பெரிய சைஸ் காவி நிற நாய் பொம்மைக்கு பக்கத்தில் இந்த தியானத்தை செய்வது போல உட்கார்ந்துள்ளார் ட்விங்கிள் கன்னா. இந்த போட்டோதான் இப்போது வைரலாகிறது.