குட்டை ஆடை அணிந்து வந்த நடிகை.. கண்ணியத்தை காக்க மறைத்தபடி நின்ற சுஷாந்த்.. வைரல் வீடியோ

Published: Sunday, June 14, 2020, 17:50 [IST]

மும்பை: ஒரு படவிழாவில் சக நடிகையின் கண்ணியத்தை காக்க சுஷாந்த் சிங் ராஜ்புத் போராடிய வீடியோ காட்சிகள் வைரலாகி வருகிறது.

உறங்குவதற்கு முன்னர்

இவர் மும்பையில் உள்ள பாந்த்ரா வீட்டில் நேற்று இரவு நண்பர்களுடன் நேரத்தை செலவிட்டிருந்தார். ஆனால் இதை எந்த நண்பரும் உறுதிப்படுத்தவில்லை. இந்த நிலையில் அவர் வழக்கம் போல் மன அழுத்தம் காரணமாக மிகவும் லேட்டாக உறங்குவதற்கு சென்றார். மறுநாள் அவரது வீட்டு பணியாளர் வீட்டுக் கதவை தட்டினார்.

சுஷாந்தின் நண்பர்கள்

கதவு திறக்கப்படவில்லை. போன் போட்டும் பதில் இல்லை. இதனால் பதறிய அவர் சுஷாந்தின் நண்பர்களுக்கு போன் செய்தார். பின்னர் நண்பர்கள் வந்து போலீஸார் உதவியுடன் கதவை உடைத்து பார்த்த போது அவர் தூக்கிட்டு தற்கொலை செய்து கொண்டிருந்தது தெரியவந்தது. அங்கு தற்கொலைக்கான கடிதம் ஏதும் இல்லை.

வீடியோ

இதையடுத்து அவரது உடலை கைப்பற்றிய போலீஸார் விசாரணை நடத்தி வருகிறார்கள். இந்த நிலையில் அவரது இறப்பால் பாலிவுட்டே சோகம் அடைந்துள்ளது. ட்விட்டரிலும் அவர் குறித்த நினைவுகளை ரசிகர்கள் பகிர்ந்து வருகிறார்கள். அதில் ஒரு வீடியோ வைரலாகி வருகிறது.

உடலை மறைத்து

அதில் ஒரு பட விழாவில் சுஷாந்த் அமர்ந்துள்ளார். அப்போது குட்டை உடை அணிந்த படி சக நடிகை வருகிறார். அந்த பள்ளமான நாற்காலியில் அவர் உட்கார்ந்தால் ஆபாசமாக இருக்கும். இதனால் அந்த நடிகையை உட்கார வைத்த சுஷாந்த் பார்வையாளர்கள், புகைப்பட கலைஞர்கள் யாரும் பார்க்காத வண்ணம் மறைத்து கொண்டு விழா ஏற்பாட்டாளர்களிடம் அந்த நடிகையின் உடலை மறைக்க டவல் போன்ற ஒரு துணியை கேட்கிறார்.

A girl will understand what type of human he was, really a humble person and every person of bollywood liked him.

Rest in peace #SushantSinghRajput 🙏 pic.twitter.com/qtN9nDQgyp
— Wings of Fly (@wingsoffly) June 14, 2020

பிடித்தமானவர்

இந்த வீடியோ வைரலாகியுள்ளது. அவர் எத்தகைய மனிதத்தன்மை கொண்டவர் என்பது ஒரு பெண்ணால் புரிந்து கொள்ள முடியும். அத்தனை மதிக்கத்தக்க மனிதர். பாலிவுட்டில் உள்ள அனைவருக்கும் அவரை பிடிக்கும். இத்தகைய நற்குணங்களை கொண்ட சுஷாந்தின் ஆன்மா சாந்தி அடையட்டும் என ட்விட்டரில் பகிர்கிறார்கள் ரசிகர்கள்.