• search
மும்பை அப்டேட்டுகளுக்கு
நோட்டிபிகேஷனை அனுமதி  

வீட்டில் போதைப்பொருள் வைத்திருந்ததால்.. 'பிக் பாஸ்' நிகழ்ச்சியில் பங்கேற்ற பிரபல நடிகர் அதிரடி கைது!

Google Oneindia Tamil News

மும்பை: சமீப காலமாக இந்தி திரையுலகில் போதைப்பொருள் நடமாட்டம் அதிகமாகிவிட்டது. இந்தி நடிகர் சுஷாந்த் சிங் தற்கொலை சம்பவத்துக்கு பிறகு அவரது காதலியான நடிகை ரியா சக்கரவர்த்தி முதலில் போதைப்பொருள் வழக்கில் சிக்கினார்.

அதன்பின்னர் இந்தி திரையுலகின் முன்னணி நடிகர், நடிகைகளும் போதைப்பொருள் தடுப்பு பிரிவு போலீசார் வலையில் சிக்க ஆரம்பித்து விட்டனர். இது தொடர்பான வழக்கில் நடிகைகள் ரகுல் பிரீத் சிங், தீபிகா படுகோனே, சாரா அலிகான், ஸ்ரத்தா கபூர் ஆகியோருக்கு போலீசார் சம்மன் அனுப்பி விசாரணை நடத்தினர்.

போதைப்பொருள் நடமாட்டம்

போதைப்பொருள் நடமாட்டம்

இது தவிர இந்தி பிரபலங்கள் சிலர், கன்னட நடிகைகள் சஞ்சனா உள்பட பலர் கைது செய்யப்பட்டனர். போதைப்பொருள் நடமாட்டம் தொடர்பாக போதைப்பொருள் தடுப்பு பிரிவு போலீசார் தொடர்ந்து விசாரணை நடத்தி வரும் நிலையில் தற்போது இந்தி நடிகர் அர்மான் கோஹ்லி கைது செய்யப்பட்டுள்ளார். போதைப்பொருள் வைத்திருந்த வழக்கில் போதைப்பொருள் நெட்வொர்க் கும்பலை சேர்ந்த அஜய் ராஜு சிங் என்பவரை போலீசார் கைது செய்து விசாரணை நடத்தினார்கள்.

அதிரடி கைது

அதிரடி கைது

அவர் கொடுத்த தகவலின்பேரில் இந்த கும்பலுக்கும் நடிகர் அர்மான் கோஹ்லிக்கும் தொடர்பு இருப்பது போலீசாருக்கு தெரியவந்தது. இதனை தொடர்ந்து புறநகர் அந்தேரியில் உள்ள அர்மான் கோஹ்லியின் வீட்டில் போலீசார் அதிரடி சோதனை நடத்தினார்கள். அப்போது அவரது வீட்டில் இருந்து 'கோகைன்' போதைப்பொருள் கைபற்றப்பட்டது. இதன் பேரில் இன்று காலை நடிகர் அர்மான் கோஹ்லியை போலீசார் கைது செய்துள்ளனர்.

தீவிர விசாரணை

தீவிர விசாரணை

அர்மான் கோஹ்லி வைத்திருந்த போதைப்பொருள் தென் அமெரிக்காவை சேர்ந்த சர்வதேச போதைப்பொருள் கும்பலிடம் இருந்து இந்தியாவுக்கு வந்துள்ளது. இந்தியாவில் போதைப்பொருள் நெட்வொர்க் கும்பலை சேர்ந்த அஜய் ராஜு சிங் வழியாக நடிகர் அர்மான் கோஹ்லியை சென்றடைந்துள்ளது. இந்த போதைபொருள்கள் இந்தியா வந்தது எப்படி? இதன் பின்னணியில் வேறு யார் இருக்கிறார்கள்? நடிகர் அர்மான் கோஹ்லிக்கும், சர்வதேச கடத்தல் கும்பலுக்கும் தொடர்பு இருக்கிறதா? என்பது தொடர்பாக போலீசார் அவரிடம் விசாரணை நடத்தி வருகின்றனர்.

யார் இந்த அர்மான் கோஹ்லி?

யார் இந்த அர்மான் கோஹ்லி?

கைது செய்யப்பட்ட நடிகர் அர்மான் கோஹ்லி, இந்தி திரையுலக முன்னணி நடிகரான சல்மான் கான் நடித்த "பிரேம் ரத்தன் தன் பயோ" திரைப்படத்தில் நடித்துள்ளார். வேறு சில படங்களிலும் நடித்துள்ளார். இது தவிர 'பிக் பாஸ்' நிகழ்ச்சியிலும் போட்டியாளர்களில் ஒருவராக பங்கேற்றுள்ளார் என்பது குறிப்பிடத்தக்கது.

English summary
Hindi actor Armaan Kohli has been arrested for possession of drugs at home Popular Hindi actor Armaan Kohli has been arrested by the Narcotics Division police for possession of drugs at home. Drug trafficking has increased in Hindi cinema in recent times
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X